राती निकाल्छन् क्रसर उद्योगले नदीबाट बालुवा

साउन ३, २०७५ बिहीबार ६:९:४४ | उज्यालो सहकर्मी

सिन्धुपाल्चोक - स्थानीय प्रशासनले नदीको सतह र धार नै परिवर्तन गर्ने गरी क्रसर संचालन गर्न रोक लगाएपनि बालुवा निकाल्ने क्रम रोकिएको छैन ।

मेलम्ची नगरपालिका वडा नम्बर १२ बाहुनेपाटीमा रहेको पाल्चोकीमाई ईन्फ्रास्टक्चर प्रालि र पाल्चोकीमाई रोडा ढुङ्गा प्रालिले ईन्द्रावती नदीबाट नियमविपरित बालुवा उत्खनन् गरिहेकोप्रति स्थानीयबासिन्दाले गुनासो गरेका छन् ।

बाहुनेपाटीमा रहेका दुई क्रसरले विगत १० दिनदेखि राती १० बजेदेखि बिहान ४ बजेसम्म ईन्द्रावती नदीबाट बालुवा निकाल्ने गरेको स्थानीयबासिन्दाको भनाई छ । आफूहरुको धानबाली समेत मिचेर अबैधानिक रुपमा नदीबाट बालुवा निकाल्दा समेत स्थानीय प्रशासन मौन रहेको भन्दै स्थानीयबासिन्दा आक्रोशित भएका छन् ।

मेलम्ची नगरपालिका र ईन्द्रावती गाउँपालिकाले इन्द्रावती नदी किनारबाट जथाभावी बालुवा उत्खनन गर्न रोक लगाएका छन् । तर क्रसरले जथाभावी बालुवा उत्खनन गरे पनि यसमा नगरपालिका र गाउँपालिकाले चासो नदिएको स्थानीय बासिन्दाको गुनासो छ ।

मेलम्ची नगरपालिकाका प्रमुख डम्बर अर्यालले भने यसबारे आफूलाई जानकारी नभएको बताउनुभयो ।

जिल्ला संमन्वय समितिले वर्खाको समय खोलामा क्रसर चलाउन रोक लगाएको छ । जिल्ला संमन्वय समितिका प्रमुख कृष्णगोपाल तामाङले प्रशासनको आँखा छलेर हुने यस्ता गतिविधि रोक्न स्थानीय बासिन्दाले नै सहयोग गर्नुपर्ने बताँउदै आउनुभएको छ ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्