नारायणगढ–मुग्लिन सडक खण्ड मर्मत गर्न २ हप्ता बन्द गरिने

मंसिर २५, २०७६ बुधबार १३:१४:१४ | राधेश्याम खतिवडा

चितवन – नारायणगढ-मुग्लिन सडक खण्डमा दुई हप्ताका लागि दिउँसोको समयमा बन्द गरिने भएको छ ।

सडक खण्डको आठ ठाउँमा पहिरो रोकथाम गुर्नुपर्ने र सडक सुरक्षालाई ख्याल गर्दै यही मंसिर २७ गते देखि ११ गतेसम्म बिहान ११ बजेदेखि दिउँसो ३ बजेसम्म सवारी आवागमन बन्द गरिने आयोजनाका इञ्जिनियर एवं सूचना अधिकारी शिव खनालले बताउनु भयो ।

सडक खण्डको गाईघाट, १८ किलो, घुमाउने, भालुढुङ्गा, जलबिरे, चारकिलो, टोपेखोला र कालिखोला क्षेत्रमा पहिरो रोकथामको काम हुदैँछ । १३ करोड रुपैयाँको लागतमा बज्रगुरु हिमशिखर न्यु टेक्निकल जेभीले काम सुरु गरेको खनालले बताउनुभयो ।

नारायणगढबाट मुग्लिनतर्फ आउने सवारीसाधनमध्ये यात्रुवाहक मिनिबस, माइक्रो बस, साना सवारीसाधन लाई पन्ध्र किलो बजारमा र मालवाहक सवारी टक, लरी, टेलर, टिप्पर र ट्यांकरलाई दासढुङ्गामा रोकिने खनालले बताउनु भयो ।

पोखराबाट काठमाण्डौ आवतजावत गर्ने सवारी साधन नरोकिने उहाँले जानकारी दिनुभयो ।

आयोजनाले ३ हप्ताको समय मागे पनि मुख्य राजमार्ग भएकाले २ हप्तामा नै काम सक्नेगरी स्रोत, साधन प्रयोग गरेर काम गर्न निर्देशन दिएको चितवनका प्रमुख जिल्ला अधिकारी नारायणप्रसाद भट्टराईले बताउनु भयो ।

आयोजनाले केही समय अगाडि नै सडक बन्द गरेर काम गर्न अनुमति मागेको थियो । भरतपुर विमानस्थल मर्मतको काम हुने क्रममा विमानस्थल पनि बन्द र सडक मार्ग पनि बन्द हुँदा समस्या पर्ने भएकाले विमानस्थल खुलेपछि अहिले काम गर्न अनुमति दिएको भट्टराईले बताउनु भयो ।

विश्व बैंकको ऋण सहयोगमा एसियन हाइवे स्टान्डर्ड को डबल लेनमा स्तरोन्नति भइसकेको भए पनि सडक क्षेत्रमा पहिरोको काम बाँकी रहेको थियो । ६ महिनाको अवधिमा काम सक्नेगरी काम सुरु भएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नारायणगढ–मुग्लिन सडक खण्ड मर्मत गर्न २ हप्ता बन्द गरिने

फाइल फोटो

तपाईको प्रतिक्रिया