अमेरिकी कर नीतिले दोस्रो दिन पनि विश्व शेयर बजार प्रभावित

चैत २३, २०८१ शनिबार १५:३३:५५ | एजेन्सी

अमेरिकी राष्ट्रपति डोनाल्ड ट्रम्पले घोषणा गर्नुभएको नयाँ करका कारण आज देस्रो दिन पनि अमेरिकासहित विश्वको शेयर बजारमा गिरावट आएको छ । हिजो प्रभावित बनेको विश्व शेयर बजार आज पनि उसैगरी प्रभावित भइरहेको बीबीसीले जनाएको छ ।

ट्रम्पको नयाँ करको विरुद्धमा चीनले चालेको कदमका कारण विश्व सेयर बजार थप प्रभावित बनेको हो । यसले दीर्घकालीन व्यापार युद्ध र विश्व अर्थतन्त्रमा क्षति पुग्ने सम्भावना बढाएको छ । हिजो अमेरिकाका सबै तीन प्रमुख शेयर सूचाङ्कहरू ५ प्रतिशतभन्दा धेरैले घटे ।

सन् २०२० यता अमेरिकाको सेयर बजारका लागि यो सबैभन्दा खराब हप्ता हो । बेलायती शेयर बजारको सूचङ्क झन्डै ५ प्रतिशतले घट्यो, जुन पाँच वर्षयताकै सबैभन्दा ठूलो गिरावट हो । यस्तै एशियाली, जर्मनी तथा फ्रान्सका स्टक एक्सचेञ्जहरूले पनि यस्तै गिरावटको सामना गरेका छन् ।

विश्व व्यापार प्रणालीलाई पुनः निर्माण गर्ने वाचा गरेका ट्रम्पले, बजारमा आएको झट्काको चिन्ता लिन जरूरी नभएको र अमेरिकी श्रम बजार अझै बलियो रहेको बताउनुभएको छ । ट्रम्पले विश्वका सबै देशहरूबाट आयात गरिने सामानमा नयाँ १० प्रतिशत आयात कर घोषणा गरेपछि विश्व सेयर बजारले खर्बौको मूल्य गुमाइसकेको छ । विश्लेषकहरूका अनुसार ट्रम्पका कारण सन् १९६८ यताकै सबैभन्दा ठूलो कर वृद्धि हो ।

अन्तिम अपडेट: चैत २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी कर नीतिले दोस्रो दिन पनि विश्व शेयर बजार प्रभावित

तस्बिर : एजेन्सी

तपाईको प्रतिक्रिया