सगरमाथा संवादमा भारतीय प्रधानमन्त्री सहभागी नहुने

चैत २३, २०८१ शनिबार १५:०:० | उज्यालो सहकर्मी

काठमाण्डौ – नेपालले आयोजना गरेको सगरमाथा संवादमा भारतीय प्रधानमन्त्री नरेन्द्र मोदी नआउनुहुने भएको छ । थाइल्याण्डको औपचारिक भ्रमण सकेर स्वदेश फर्किनुभएका प्रधानमन्त्री ओलीले त्रिभूवन अन्तर्राष्ट्रिय विमानस्थलमा सञ्चारकर्मीहरुसँगको कुराकानी गर्दै भारतीय प्रधानमन्त्री मोदीको युरोप भ्रमण तय भइसकेकोले आउन नभ्याउने जानकारी गराउनुभएको हो ।

थाइल्याण्ड भ्रमणमा भारतीय प्रधानमन्त्री मोदीसँग भएको भेट फलदायि भएको र दुवै जनाले सम्बन्धलाई सुदृढ बनाउन अठोट गरेको भन्दै उहाँले सगरमाथा संवादमा भारतबाट उच्चस्तरीय टोली सहभागी हुने बताउनुभयो ।

संचारकर्मीहरुले अब तपाईँको भारत भ्रमण सम्भव होला भनेपछि उहाँले सम्भव र असम्भव भन्ने कुरा नरहेको भन्दै आफूहरुलाई फुर्सद भएमा सगरमाथा संवाद अघि नै भारतको भ्रमण हुन सक्ने बताउनुभयो । भारतीय प्रधानमन्त्री मोदीसँग पञ्चेश्वर आयोजना, व्यापार, दोधारा चाँदनीमा महाकालीबाट सिंचाई गर्ने लगायत पारस्परिक सहयोगका विभिन्न क्षेत्रहरुमा छलफल भएको बताउनुभयो ।

प्रधानमन्त्री ओली थाइल्यान्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) को छैटौं शिखर सम्मेलनमा भाग लिन जानुभएको थियो । उहाँले थाइल्याण्ड भ्रमण उपलब्धिमुलक रहेको बताउनुभयो ।

अन्तिम अपडेट: चैत २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सगरमाथा संवादमा भारतीय प्रधानमन्त्री सहभागी नहुने

तस्बिर : प्रधानमन्त्रीको सचिवालय

तपाईको प्रतिक्रिया