लैङ्गिक अन्तर सूचकांक २०१९ मा नेपाल ४ स्थान माथि उक्लियाे

पुष १, २०७६ मंगलबार १५:२५:१९ | एजेन्सी

काठमाण्डौ – वर्ल्ड इकोनोमिक्स फोरम (डब्ल्यूईएफ) को लैङ्गिक अन्तर सूचकांक २०१९ मा नेपाल १०१औँ स्थानमा रहेको छ ।

गएको वर्षभन्दा यो वर्ष नेपालले यो सूचीमा चार स्थान सुधार गरेको हो । सन् २०१८ को प्रतिवेदनमा नेपाल १०५औँ स्थानमा रहेको थियो ।

सन् २०१९ को यो सूचीको पहिलो स्थानमा आइसल्याण्ड रहेको छ । गएकाे वर्ष पनि आइसल्याण्ड पहिलाे स्थानमा थियाे । त्यस्तै दोस्रो स्थानमा नर्वे, तेस्रो स्थानमा फिनल्याण्ड, चौथो स्थानमा स्विडेन र पाँचौँ स्थानमा निकारागुवा रहेको छ ।

यसैगरी छैटौँ स्थानमा न्युजिल्याण्ड, सातौँ स्थानमा आयरल्याण्ड, आठौँ स्थानमा स्पेन, नवौँ स्थानमा रुवाण्डा र दशौँ स्थानमा जर्मनी रहेको छ ।

एसियाली देशकाे कुरा गर्ने हो भने बंगलादेश ५०औँ स्थानमा रहेको छ । इण्डोनेसिया ८५औँ, श्रीलंका १०२औँ, चीन १०६औँ, भारत ११२औँ र पाकिस्तान १५१औँ स्थानमा रहेको छ ।

यो सूचीमा यमन सबैभन्दा पुछारमा रहेको छ । यमन १५३औँ स्थानमा छ भने इराक १५२औँ स्थानमा रहेको छ ।

विश्व लैङ्गिक अन्तर सूचकांकले आर्थिक सहभागिता र अवसर, शैक्षिक योग्यता, स्वास्थ्य र जीवन रक्षा र राजनीतिक सशक्तिकरणजस्ता ४ आधारभूत विधाका आधारमा पुरुष र महिलाबीचको अन्तरजाँच गर्दछ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्