प्रतिबन्ध फुकुवापछि सन्ताेषले भने– अब दायाँ-बायाँ नगराैँ, फुटबलमा 'फाेकस' गराैँ

पुष १७, २०७६ बिहीबार ७:२३:५४ | उज्यालो सहकर्मी

काठमाण्डाै – कुवेतविरुद्ध विश्वकप छनोट खेल्न भुटान प्रस्थान गर्नुअघि नेपाली चार जना फुटबलरहरु नाइट क्लबमा गएको पाइएपछि प्रतिबन्धमा परेका थिए ।

नेपाली टिमका स्ट्राइकर विमल घर्ति मगर, अन्जन विष्ट, दिनेश राजवंशी र सन्तोष तामाङलाई एन्फाले अनुशासनको पालना नगरेकाे भन्दै कारबाही गर्दै प्रतिबन्ध लगाएको थियो । अन्जन र सन्तोषको ४५ दिने प्रतिबन्ध फुकुवा भएको छ भने दिनेश र विमलको भने ९० दिने प्रतिबन्ध बाँकी नै छ ।

त्रिभुवन आर्मीका सन्तोष ४५ दिने प्रतिबन्ध फुकुवासँगै वुधबार थ्रीस्टारविरुद्धको खेलमा मैदान प्रवेश गरे । सन्तोषसले जारी सिजिनको पहिलो ए डिभिजन लिग खेल्दै सुखद् सुरुवात पनि गरेका छन् ।

सुरुमै प्लेइङ सेटमा अटाएका सन्तोषले पूरै समय मैदानमै बिताए । आर्मीले थ्रीस्टारविरुद्ध २–० को सहज जित निकाल्दा सन्ताेष एक गोल गर्न सफल भए । सन्तोषले १७ औँ मिनेटमा थ्रीस्टारको पोस्टमा चार्ज गर्दा डिफेन्डरहरुले किलियर गरेका थिए । ७९ औं मिनेटमा सन्तोषले व्यक्तिगत पहिलो गोल गर्दा आर्मी २–० ले विजयी हुन सफल भयो ।

थ्रिस्टारविरुद्धकाे खेलमा उत्कृष्ट प्रदर्शन गरेका सन्तोष तामाङ केल्मी 'म्यान अफ द म्याच' पनि भए । प्रतियोगितापछि आयोजित 'पोस्ट म्याच' कन्फ्रेन्समा उपस्थित भएका सन्तोषले आफू एन्फाको प्रतिबन्धपछि धेरै नै रोएको बताए ।

आफ्नै गल्तीका कारण सुरुदेखि लिग खेल्न नपाउँदा फुटबललाई 'मिस' गरेको बताएका सन्तोषले युवा खेलाडीहरुलाई यता उता केही नहेरि फुटबलमा 'फोकस' हुन पनि आग्रह गरे ।

यसैबीच एन्फा मैदान सातदोबाटोमा भएकाे पहिलाे खेलमा विभागीय क्लब नेपाल पुलिसले गएकाे संस्करणको उपविजेता संकटालाई २–१ गोल अन्तरले पराजित गर्‍याे ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्