राेनाल्डाेकाे दुई गाेल : युभेन्टसले पर्मालाई हरायाे

माघ ६, २०७६ सोमबार ७:४९:२२ | उज्यालो सहकर्मी

काठमाण्डाै – इटालियन सिरी एमा युभेन्टसले पर्मालाई दुई–एक गाेल अन्तरले हराएको छ ।

एलिनाज एरेनामा भएको खेलमा घरेलु टिमका लागि दुवै गोल रोनाल्डोले गरेका थिए । ३४ वर्षे रोनाल्डोले खेलको ४३औँ मिनेटमा गोलको खाता खोले । त्यसपछि ५८औँ मिनेटमा उनले अर्को गोल गरे ।

पर्माका एन्द्रियस काेर्निलुइसले खेलकाे ५५औँ मिनेटमा गोल गरे । तर त्यसपछि अरु गाेल थप्न नसक्दा पर्मा युभेन्टससँग पराजित बन्न पुग्याे ।

यो जितसँगै युभेन्टसले चार अङ्कको अग्रता लिएको छ । युभेन्टसलाई जित दिलाउन महत्वपूर्ण भूमिका खेलेका रोनाल्डोले रेकर्ड पनि बनाएका छन् । पर्माविरुद्धको गोल रोनाल्डोको पछिल्लो सात खेलमा लगातार गाेल थियो । उनी सिरी एको सात खेलमा लगातार गोल गर्ने डेविड ट्रेजेग्वेटपछि पहिलो खेलाडी बने ।

ट्रेजेग्वेटले सन् २००५ मा युभेन्टसका लागि लगातार सात खेलमा गोल गरेका थिए । पर्माविरुद्धको दुई गोलसँगै रोनाल्डोले यो सिजनको सिरी ए गोल सङ्ख्या १६ पुर्‍याएका छन् । रोनाल्डो पछिल्लो १४ सिजनमा शीर्ष पाँच युरोपियन लिगमा १५ वा त्याेभन्दा गोल गर्ने एकमात्र खेलाडी बनेका छन् ।

सन् २००६–०७ को सिजनदेखि युरोपेली लिगमा उदाएका रोनाल्डोले म्यान्चेस्टर युनाइटेड, रियल मड्रिड र युभेन्टसमा गरी चार सय १४ लिग गोल गरिसकेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्