ए डिभिजन लिगमा आठाैँ चरणका खेल सुरु : प्रतिबन्धमा परेका मच्छिन्द्रका खेलाडी खेलमा फर्कँदै

माघ ८, २०७६ बुधबार १२:१९:२१ | उज्यालो सहकर्मी

काठमाण्डाै – शहीद स्मारक ए डिभिजन लिग फुटबलअन्तर्गत बुधबार आठौँ चरणका खेलहरु सुरु हुँदैछन् ।

बुधबार दशरथ रङ्गशालामा मच्छिन्द्र क्लब र नेपाल पुलिस क्लब प्रतिस्पर्धा गर्दैछन् । लिगअन्तर्गत आठौँ चरणका सबै खेलहरु दशरथ रङ्गशालामा हुने तय भएकाे छ ।

साताैँ चरणकाे खेल सकिँदासम्म मच्छिन्द्र १३ अङ्कसहित दोस्रो स्थानमा छ भने पुलिस क्लब ११ अङ्कसहित छैटौं स्थानमा छ । याे खेलमा मच्छिन्द्र विजयी भए शीर्ष स्थानमा रहेको आर्मीसँग अङ्क बराबरी गर्ने छ भने पुुलिस विजयी भए मच्छिन्द्रलाई पछि पार्दै दोस्रो स्थानमा उक्लने छ ।

सातौँ चरणमा मच्छिन्द्र हिमालयन शेर्पासँग पराजित भएको थियो भने पुलिसले जावलाखेललाई पराजित गरेको थियो । बुधबारको खेलमा मच्छिन्द्रका दीपक राई, देवेन्द्र तामाङ र विजय धिमाल खेलमा फर्कने छन् ।

उनीहरु पाँचौँ चरणमा मनाङसँगको खेलपछि भएको झडपका कारण दुई–दुई खेलको प्रतिबन्धमा परेका थिए । जसका कारण उनीहरु छैटौँ चरणमा जावालाखेल र सातौँ चरणमा हिमालयन शेर्पासँगको खेल गुमाएका थिए । मछिन्द्रले जावलाखेललाई पराजित गरे पनि शेर्पासँग भने पराजित भएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्