ए डिभिजन लिग : आज आठौं चरणको खेल सकिँदै

माघ ११, २०७६ शनिबार ७:२३:२८ | उज्यालो सहकर्मी

काठमाण्डाै - शहीद स्मारक ए डिभिजन लिग फुटबलमा शनिबार आठौं चरणको खेल सकिँदै छ । दुवै खेल दशरथ रंगशलामा हुने छन् ।

पहिलो खेलमा न्युरोड टिम एनआरटी र त्रिभुवन आर्मी क्लबबीच प्रतिस्पर्धा हुने छ । आर्मी तालिकाको शीर्ष स्थानमा छ । तर अरु दुई टिमको पनि आर्मीसँगै समान १६ अंक भएकाले आजको खेलमा जीत निकाले स्पष्ट तीन अंकले अघि बढ्ने छ ।

एनआरटी भने ११ अंकको साथमा सातौं स्थानमा छ । शनिबारको खेलमा एनआरटी विजयी भए चौथो स्थानमा रहेको थ्रीस्टारसँग अंक बराबरी गर्ने छ ।

आर्मी र एनआरटी बराबरीमा रोकिए आर्मीले १ अंकको अग्रता लिने छ भने एनआरटीले पाँचौं स्थानमा जावलाखेलसँग अंक बराबरी गर्ने छ ।

प्रतियोगिता अन्तर्गत शनिबार हुने दोस्रो खेलमा फ्रेण्ड्स र संकटा आमने सामने हुने छन् । फ्रेण्ड्स जारी लिगमा ११ औं स्थानमा छ भने संकटा नवौं स्थानमा छ ।

शनिबारको खेलमा फ्रेण्ड्स विजयी भए आठौं स्थानमा पुग्ने छ भने संकटा विजयी भए छैटौं स्थानमा उक्लने छ । प्रतियोगिता अन्तर्गत शुक्रबार मनाङ र च्यासल विजयी भएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्