ए डिभिजन लिग : मच्छिन्द्र लिगकाे शीर्ष स्थानमा, थ्रीस्टार २-० ले पराजित

माघ १३, २०७६ सोमबार १९:२:५६ | उज्यालो सहकर्मी

काठमाण्डाै - शहीद स्मारक ए डिभिजन लिगमा उपाधिको दावेदार टिम मच्छिन्द्र क्लब फेरि शीर्ष स्थानमा उक्लिएको छ ।

जारी लिगमा छैटौं जित निकाल्ने क्रममा मच्छिन्द्रले थ्रीस्टारलाई दुई शुन्यले हरायो । दशरथ रंगशालामा भएको खेलमा मच्छिन्द्रको जितमा रजिन सुब्बा र विशाल राईले एक एक गोल गरे ।

खेलको ३७ औं मिनेटमा रजिन शुब्बाले मच्छिन्द्रका लागि अग्रता दिलाए । सुजलको पासलाई थ्रीस्टारका खेलाडीले क्लियर गर्न नसक्दा रजिनले गोल गरे । उनले याे गाेललाइ लेजेन्ड्री बास्केटबल खेलाडी काेबी ब्रायन्टलाइ समर्पित गरे ।

यसै सिजनमा मनाङको सेटलाई नै अनुबन्ध गरेको मच्छिन्द्रले ४० औं मिनेटमा अर्को सुन्दर अवसर पाएको थियो । तर रेजिनको हेडरलाई थ्रीस्टारका विक्रम लामाले गोललाइनबाट बचाए ।

पहिलो हाफमा एक गोलको अग्रता बनाएको मच्छिन्द्रले दोस्रो हाफमा थप एक गोल गर्‍याे । यो सिजन स्टार खेलाडी विना नै मैदानमा उत्रिएको थ्रीस्टारको डिफेन्डरको गल्तिका कारण ९० औं मिनेटमा मच्छिन्द्रले अन्तर दोब्बर पार्‍याे ।

उसका लागि विशाल राईले गोल गर्न सफल भए । त्यसपछि थ्रीस्टार खेलमा फर्कन सकेन र जारी लिगमा तेस्रो हार ब्यहोर्‍याे । यो हारले थ्रीस्टारको उपाधि यात्रामा ठुलो धक्का लागेको छ ।

जितपछि मच्छिन्द्रले त्रिभुवन आर्मीलाई पछि पार्दै शीर्ष स्थानमा पुगेको हो । मच्छिन्द्रको नौ खेलमा १९ अंक भएको छ भने एक खेल कम खेलेको आर्मीको १७ अंक छ । थ्रीस्टारको नौ खेलमा १४ अंक छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्