एफए कप : आर्सनलले बर्नमाउथलाई २–१ ले हरायाे

माघ १४, २०७६ मंगलबार ६:५०:१३ | उज्यालो सहकर्मी

काठमाण्डाै – आर्सनल एफए कपको पाँचौँ चरणमा प्रवेश गरेको छ । सोमबार राति भएको खेलमा आर्सनलले एएफसी बर्नमाउथलाई दुई–एक गाेल अन्तरले हराउँदै प्रिक्वार्टरफाइनलमा स्थान बनाउन सफल भएको हो ।

आर्सनलको जितमा बुकायो साका र इडी एनकेतिहाले एक–एक गोल गरे । पाँचौँ मिनेटमा साकाले मार्टिनेलीको पासमा गोल गर्दै आर्सनललाई अग्रता दिलाएका थिए । २६औँ मिनेटमा एनकेतिहाले गोल गरेपछि आर्सनलले पहिलो हाफअघि दुई गोलको अग्रता लियो ।

युवा खेलाडीले भरिएको आर्सनलले अग्रता खेलको निर्धारित समयसम्म जोगाएको थियो । इन्ज्युरी समयको चौथो मिनेटमा बर्नमाउथका सब्सिच्युट खेलाडी साम सुरिजले गोल गर्दै आर्सनलको अग्रता दुई–एकमा छोट्याए ।

बाँकी समयमा थप गोल हुन नसक्दा आर्सनलले अन्तिम १६ को यात्रा पक्का गरेको हो । आर्सलनलले प्रिक्वार्टर फाइनलमा तेस्रो डिभिजनको पोटर्समाउथसँग प्रतिस्पर्धा गर्नेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्