ज्लाटनकाे गाेलसँगै मिलान सेमिफाइनलमा, युभेन्टससँग खेल्ने

माघ १५, २०७६ बुधबार ९:२:९ | उज्यालो सहकर्मी

काठमाण्डाै – टोरिनोलाई हराउँदै एसी मिलान कोपा इटालियाको सेमिफाइनलमा पुगेको छ ।

मङ्गलबार राति भएको क्वार्टर–फाइनलमा मिलानले अतिरिक्त समयमा दुई गोल गरेपछि टोरिनो चार–दुई गाेल अन्तरले पराजित भयो । मिलानको मैदानमा भएको खेलको अतिरिक्त समयमा ज्लाटन इब्राहिमोभिच र हाकन कालानोग्लुले गोल गरेका थिए ।

१२औँ मिनेटमा बोनाभेन्चुराले गोल गर्दै मिलानलाई अग्रता दिलाएका थिए । ३४औँ मिनेटमा ग्लेसन ब्रेमरले गोल गर्दै खेल बराबरीमा पुर्‍याए । ७१औँ मिनेटमा ब्रेमरले अर्को गोल गरेपछि टोरिनोले अग्रता लियो । त्याे अग्रता ९० मिनेटसम्म कायम रह्यो ।

इन्ज्युरी समयको पहिलो मिनेटमा बोनाभेन्चुराले गोल गर्दै खेल बराबरीमा पुर्‍याए । बराबरीपछि खेलमा आधा घण्टाको अतिरिक्त समय थप गरिएको थियो । अतिरिक्त समयको १६औँ मिनेटमा बोनाभेन्चुराले व्यक्तिगत दोस्रो गोल गर्दै मिलानलाई फेरि अग्रता दिलाए ।

त्यसको दुई मिनेटपछि ज्लाटन इब्राहिमोभिचले गोल गरेर मिलानलाई सेमिफाइनलमा पुर्‍याए । सेमिफाइनलमा मिलानले युभेन्टससँग प्रतिस्पर्धा गर्नेछ ।

खेल चलिरहँदा हेलिकाेप्टर दुर्घटनामा ज्यान गुमाएका 'लेजेण्ड' अमेरिकी बास्केटबल खेलाडी कोबे ब्रायन्टलाई श्रद्धाञ्जली अर्पण गरिएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्