फ्रेन्च लिगमा पीएसजीको ६१ अंक

माघ २७, २०७६ सोमबार ७:४३:२० | उज्यालो सहकर्मी

काठमाण्डौ - फ्रेन्च लिग वानमा पेरिस सेन्ट जर्मेइन पीएसजीले ओलम्पिक लियोनमाथि ४–२ को जित हात पारेको छ ।

पेरिसमा भएको खेलमा घरेलु टिमलाई जित दिलाउनका लागि एंगल डी मारिया, केलियन एमबाप्पे र इडिन्सन कभानीले एक एक गोल गरे । खेलमा पीएसजीले एउटा गोल उपहार पाएको थियो ।

२२औं मिनेटमा डी मारियाले गोल गर्दै पीएसजीलाई अग्रता दिलाए । ३८औं मिनेटमा एमबाप्पेले गोल गर्दै पीएसजीको अग्रता दोब्बर बनाए ।

पहिलो हाफमा दुई गोलको अग्रता लिएको पीएसजीले दोस्रो हाफको दोस्रो मिनेटमा एउटा गोल उपहार पायो । फर्नाण्डो मार्ससलले आफ्नै पोस्टमा गोल गरेपछि पीएसजीले ३–० को अग्रता लियो ।

५२औं मिनेटमा मार्टिन टेरियरले र ५९औं मिनेटमा मउसा डेम्बेलेले लियोनका लागि गोल गर्दै पीएसजीको अग्रता ३–२ मा झारे । तर, इडिन्सन कभानीले ७९औं मिनेटमा गोल गरेपछि पीएसजी ४–२ ले विजयी भयो ।

जितसँगै पीएसजीले लिगमा ६१ अंक बनाएको छ । दोस्रो स्थानको मार्सेको ४९ अंक छ । पराजित लियोन भने ३३ अंक सहित नवौं स्थानमा छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्