इन्टरमिलान इटालियन सिरिएको शीर्ष स्थानमा

माघ २७, २०७६ सोमबार ७:५०:५८ | उज्यालो सहकर्मी

काठमाण्डौ - इटालियन सिरिएमा इन्टरमिलान शीर्ष स्थानमा उक्लिएको छ । दुई गोलले पछि परेको इन्टरमिलानले एसी मिलानको पोस्टमा चार गोल फर्कायो ।

जितसँगै इन्टरमिलान शीर्ष स्थानमा उक्लिन सफल भएको छ । इन्टर शीर्षमा उक्लिँदा युभेन्टस भने गोल अन्तरका आधारमा पछि पर्दै दोस्रो स्थानमा झरेको छ ।
इन्टरमिलानको मैदानमा भएको खेलमा पहिलो हाफ एसीमिलानको पकडमा रह्यो । जसमा ज्लाटन इब्राहिमोभिचले एउटा गोल र एउटा एसिस्ट गरे ।

४०औं मिनेटमा इब्राहिमोभिचको पासमा एन्टे रेबिचले गोल गर्दै एसीमिलानलाई अग्रता दिलाए । पहिलो हाफको इन्ज्युरी समयमा यान्निक केस्सीको पासमा इब्राहिमोभिचले हेडरमार्फत गोल गर्दै एसी मिलानलाई दुई गोलको अग्रता दिलाए ।

दोस्रो हाफ भने घरेलु टिमको पकडमा रह्यो ।

५१औं मिनेटमा मार्सेलो ब्रोजोभिचले उत्कृष्ट भलि प्रहार गर्दै इन्टरलाई खेलमा फर्काए । त्यसको दुई मिनेटपछि माटियास भेसिनोले एलेक्सिस सान्चेजले मिलाइदिएको बललाई गोलमा परिणत गर्दै खेल बराबरीमा पु¥याए ।

७०औं मिनेटमा स्टेफान डि भ्रिज र इन्ज्युरी समयमा रोमेलु लुकाकुले गोल गर्दै इन्टरमिलानलाई ४–२ को जित दिलाए ।

पराजयपछि एसी मिलानले भने छैटौं स्थानमा उक्लिने मौका गुमाएको छ । अहिले एसी मिलान ३२ अंक सहित १०औं स्थानमा छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्