सरस्वती क्लब 'बी डिभिजन' मा घटुवा

माघ २७, २०७६ सोमबार १५:११:५१ | उज्यालो सहकर्मी

काठमाण्डौ - सरस्वती युथ क्लब 'बी डिभिजन' मा घटुवा भएकाे छ ।

लिगमा एक खेल बाँकी हुँदै सरस्वती क्बल च्यासल युथ क्लबसँग दुई–एकले पराजित भएपछि फेरि रेलिगेशनमा परेकाे हाे । यसअघि सरस्वती विसं २०६३ सालमा 'रेलिगेट' भएको थियो ।

सातदोबाटोमा रहेको एन्फा मैदानमा भएकाे खेलको १८औँ मिनेटमा च्यासलले अग्रता लियो । च्यासलका लागि टेइगे नाकामुराले फ्रिकिकमार्फत गोल गर्न सफल भए ।

एक गोलको अग्रता बनाएको च्यासलका सुनील बलले २३औँ मिनेटमा गरेको लामो प्रहार पोस्टमा लागेन । ३०औँ मिनेटमा नितिन थापाको प्रहार पोस्ट नजिकैबाट बाहिरियो ।

पहिलो हाफमा एक गोलले पछि परेको सरस्वतीले दोस्रो हाफमा पनि थप एक गोल खायो । च्यासलका लागि विदेशी खेलाडी हायाटो वाकिनोले गोल गर्न सफल भए ।

६९औँ मिनेटमा च्यासलले अर्को सुन्दर अवसर पाएको थियो । तर सुनील खड्काको पासमा पुरन श्रेष्ठले प्रहार गरेको बल सरस्वतीका गोलकीपरले बचाए ।

त्यसपछि खेलको इञ्जुरी समयको अन्तिममा सरस्वतीले एक गोल फर्काए पनि हार भने टार्न सकेन । सरस्वतीका लागि काजीम बुसारीले गोल गरे । लिगमा च्यासलको १५ अङ्क भएको छ । लिगमा उसको चौथो जित हो ।

यो हारपछि सरस्वती 'बी डिभिजन' मा झरेको छ । लगातार पाँच पटक शीर्ष डिभिजन खेलेको सरस्वतीको इतिहासमा नै लिगमा चार अङ्क अहिलेसम्मकै न्यून हो । यो सिजनमा हिमालयन शेर्पाविरुद्धको जीत उसको लिगमा २९औँ जित थियो ।

सरस्वती विसं २०६३ मा ए डिभिजनमा उक्लिए पनि त्यही सिजन फेरि बी डिभिजनमा झरेको थियो । सरस्वती क्लब २०६६/६७ सालको लिगमा बी डिभिजनको शीर्ष स्थानमा रहँदै फेरि ए डिभिजनमा उक्लिएको थियो ।

२०६८ सालको लिगमा १३औँ स्थानमा रहेको सरस्वती २०६९ को लिगमा नवौँ स्थानमा रहेको थियो । जसका कारण उसले सुपर लिगमा स्थान बनाउन सकेन । यस्तै २०७० को लिगमा पनि सरस्वती नवौं स्थानमा रहँदै सुपर लिगमा पुग्न सकेन ।

गएकाे सिजनको लिगमा सरस्वती क्लब नवौं स्थानमा नै रहेको थियो । तर यसपटक उसले लिगमा निकै खराब प्रदर्शन गर्‍याे । लिगमा उसले अहिलेसम्म सात गोल गर्दा २९ गोल खान पुग्यो ।

यस पटककाे लिगमा सरस्वती एक खेल अगाडि नै रेलिगेसनमा परेको हो । उसले अहिलेसम्म १२ खेलमा एकमात्र जित निकालेको छ भने एक बराबरी र १० खेलमा हार ब्यहोरेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्