राहुलकाे शतकमा भारतले दियाे न्युजिल्याण्डलाई २ सय ९७ रनकाे लक्ष्य , 'ह्वाइटवाश' हुनबाट जाेगिएला ?

माघ २८, २०७६ मंगलबार १२:१३:२५ | उज्यालो सहकर्मी

काठमाण्डाै – न्युजिल्याण्ड भ्रमणमा रहेको भारतले तेस्रो तथा अन्तिम एकदिवसीय खेलमा घरेलु टोलीसामु २ सय ९७ रनको लक्ष्य प्रस्तुत गरेको छ ।

केएल राहुलकाे शतकीय योगदानपछि टस हारेर ब्याटिङको निम्तो पाएको भारतले ५० ओभरमा सात विकेट गुमाउँदै २ सय ९६ रन बनाएको थियो ।

राहुलले १ सय १३ बलमा १ सय १२ रन बनाएर आउट हुँदा नौ चौका र दुई छक्का प्रहार गरेका थिए । त्यस्तै श्रेयस अय्यरले ६२, मनिष पाण्डेले ४२ र पृथ्वी शाले ४० रन जोडे ।

बलिङतर्फ हमिस बेनेटले चार विकेट लिए भने केल जेमिसन र जेम्स निसमले एक–एक विकेट लिए ।

यसअघि भएकाे पहिलाे एकदिवसीय र दाेस्राे एकदिवसीयमा भारत क्रमशः चार विकेट र २२ रनले पराजित भएकाे थियाे । याे खेल पनि हारेकाे खण्डमा न्युजिल्याण्डले भारतमाथि 'ह्वाइटवाश' गर्नेछ ।

पाँच खेलकाे टी–२० श्रृङ्खला भने भारतले ह्वाइटवास गरेकाे थियाे । अब यी दुई टिमले दुई वटा टेस्ट खेल्नेछन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्