भारतले ब्यहाेर्‍याे एक दिवसीय क्रिकेटमा ३० वर्षपछि ‘व्हाइटवाश’ : श्रृङ्खला तीन-शून्यले न्युजिल्याण्डकाे पाेल्टामा

माघ २८, २०७६ मंगलबार १६:२४:७ | उज्यालो सहकर्मी

कोलिन ग्रान्डहोमले सातौँ नम्बरमा आएर विष्फोटक अर्धशतक प्रहार गरेपछि तेस्रो तथा अन्तिम एक दिवसीय खेलमा न्युजिल्यान्डले भारतलाई ५ विकेटले पराजित गरेको छ ।

भारतले दिएको २९७ रनको लक्ष्य न्युजिल्यान्डले ४७।१ ओभरमा पूरा गर्दै तीन खेलको शृङ्खला घरेलु टोली न्युजिल्यान्डले व्हाइटवाश गरेको छ ।

माउन्ट मोउनगानुइको बेय ओभलमा २९७ रनको लक्ष्य पछ्याएको न्युजिल्यान्डका लागि सातौँ नम्बरमा आएका ग्रान्डहोमले २८ बलमा ६ चौका र ३ छक्कासहित अविजित ५८ रनको पारी खेले । उनीसँगै टम लाथम पनि ३२ रनमा अविजित रहे ।

ओपनर मार्टिन गप्टिल र हेनरी निकोल्सले १०६ रनको साझेदारी गरी न्युजिल्यान्डको जवाफी पारीमा बलियो सुरुआत दिलाएका थिए ।

४६ बलमा चौका र ४ छक्कासहित ६६ रन बनाएर गप्टिल आउट भएपछि आएका कप्तान केन विलियमसनसँग मिलेर निकोल्सले दोस्रो विकेटका लागि ५३ रनको साझेदारी गरेका थिए ।

विलियम्सन २२ रनको स्कोरमा आउट भए । त्यसपछि आएका रस टेलरले पनि १२ रनमात्र जोड्न सके । ३२।५ ओभरमा हेनरी निकोल्स ८० रन बनाएर आउट हुँदा न्युजिल्यान्ड १८९/४ को स्थितिमा थियो । ३९।३ ओभरमा जेम्स निसम पाँचौं विकेटका रुपमा १९ रनको स्कोरमा आउट भएपछि ग्रान्डहोम क्रिजमा आएका थिए ।

भारतका युज्बेन्द्र चाहलले ३ विकेट लिए । शार्दुल ठाकुर र रविन्द्र जडेजाले १-१ विकेट बाँडे । निकोल्स खेलको म्यान अफ द म्याच तथा एक शतक र एक अर्धशतक प्रहार गरेका न्युजिल्यान्डका रस टेलर म्यान अफ द सिरिज चुनिए ।

यसअघि टस हारेर पहिले ब्याटिङ गरेको भारतले निर्धारित ओभरमा ७ विकेट गुमाएर २९६ रनको योगफल खडा गरेको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्