आईसीसी विश्वकप लिग–२ काे अङ्क तालिकामा नेपाल कति औँ स्थानमा ?

माघ २९, २०७६ बुधबार १३:१२:४१ | उज्यालो सहकर्मी

काठमाण्डाै – आईसीसी विश्वकप लिग–२ अन्तर्गत त्रिकाेणात्मक एकदिवसीय क्रिकेटमा नेपालले सुखद् अन्त्य गरेको छ ।

नेपाल, अमेरिका र ओमानबीच नेपालमा भएको त्रिकोणात्मक सिरिजमा नेपाल दुई पटक ओमानसँग पराजित हुँदा दुवै नै पटक अमेरिकालाई पराजित गर्न सफल भयो ।

ओमान भने नेपालमा खेलेकाे चार वटै खेल जित्दै शीर्ष स्थानमा उक्लिएको छ । ओमानले १० मध्ये आठ खेलमा जीत र दुई खेलमा पराजित हुँदै १६ अङ्कका साथ शीर्ष स्थानमा उक्लिएको हो । नेपाल आउनुअघि दोस्रो स्थानमा रहेको ओमान यहाँ भएका सबै चार खेल जित्दै शीर्ष स्थानमा उक्लिएको हो ।

यस्तै अमेरिका दोस्रो स्थानमा झरेको छ । १२ खेल खेलेको अमेरिका नेपाल आउनुअघि शीर्ष स्थानमा थियो । तर नेपाल र ओमानसँग सबै खेल गुमाएपछि दोस्रो स्थानमा झरेको हो । अमेरिकाले १२ मध्ये ६ खेलमा जीत र ६ खेलमा हारको सामना गर्दै १२ अङ्क बनाएको छ ।

आठ खेल खेलेको स्कटल्याण्ड नाै अङ्कसहित तेस्रो स्थानमा छ । स्कटल्याण्डले चार खेलमा जित र तीन खेलमा हार भाेगेकाे छ भने एक खेल नतिजाविहीन भएपछि नाै अङ्क बनाएको हो ।

लिग–२ खेल्ने सात टिममध्ये शीर्ष तीन टिम आईसीसी विश्वकपका लागि छनोट हुने प्रावधान रहेको छ । पुछारमा रहेका चार टिमले भने विश्वकपका लागि छनोट चरण पार गर्नुपर्ने छ ।

नामिबिया तालिकाकाे चौथो स्थानमा छ । अहिलेसम्म खेलेकाे सात खेलमध्ये चार खेलमा जित हात पारेको नामिबियाकाे आठ अङ्क छ । यस्तै पाँचौँ स्थानमा संयुक्त अरब इमिरेट्स (यूएई) रहेको छ । यूएईले सातमध्ये तीन खेलमा जीत हात पार्दा तीन खेलमा पराजित भएको छ भने एक खेल नतिजाविहीन भएकाे छ । उसको सात अङ्क छ ।

यस्तै नेपाल तालिकाको छैटौँ स्थानमा छ । घरेलु भूमिमा भएको त्रिकोणात्मक सिरिजका दुई खेलमा नेपाल ओमानसँग पराजित भयो । नेपालले अमेरिकासँगकाे दुई वटै खेलमा जित हात पार्दै तालिकमा चार अङ्क बनाएको हो ।

त्यस्तै तालिकाकाे सातौँ स्थानमा पपुवा न्युगिनी रहेको छ । पपुवा न्युगिनीले खेलेका आठ वटै खेलमा पराजित भएको छ । ऊ अङ्कविहीन छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्