जावलाखेल र हिमालयनले अङ्क बाँडे

फागुन १, २०७६ बिहीबार ७:३६:२४ | उज्यालो सहकर्मी

काठमाण्डाै – शहीद स्मारक ए डिभिजन लिगअन्तर्गत बुधबार भएकाे खेलमा जावलाखेल युथ क्लब र हिमालयन शेर्पाले बराबरी खेलेका छन् ।

जावलाखेल र हिमालयनले तीन–तीन गाेलकाे बराबरी खेलेका हुन् । सातदोबाटोकाे एन्फा मैदानमा भएको खेलमा जावलाखेलले हिमालयनकाे दुई गोलको अग्रता उल्ट्याउँदै अङ्क बराबरी गरेको हो ।

'हाइस्कोरिङ' खेलको पाँचौ मिनेटमा नै स्टेफेन समिरले गोल गर्दै शेर्पालाई अग्रता दिलाए । त्यसपछि २६औँ मिनेटमा विजय श्रेष्ठले हिमालयनकाे अन्तर दुई–शून्यमा पुर्‍याए ।

दुई गोलले पछि परेको अवस्थामा जावलाखेल ३५औँ मिनेटमा १० खेलाडीमा सीमित हुन पुग्यो । जावलाखेलका अरुन ब्लोन रातो कार्ड पाउँदै मैदानबाट बाहिरिए ।

तर पहिलो हाफको इन्जुरी समयमा जावलाखेलका कुबेर विष्टले गाेल गरे । फेरि त्यसको दुई मिनेटपछि हिमालयनका स्टेफेन समिरले गोल गर्दै पहिलो हाफमा टिमलाई तीन–एकले अगाडि राखे ।

गोलको वर्षा भएको खेलको ६०औँ मिनेटमा फेडे फोफानाले गोल गर्दै जावलाखेललाई तीन–दुईको अवस्थामा पुर्‍याए । ६८औँ मिनेटमा हिमालयन पनि १० खेलाडीमा झर्न पुग्याे । हिमालयनका निरज बस्नेत दोहोरो पहेँलो कार्ड पाउँदै मैदानबाट बाहिरिए ।

त्यसको एक मिनेटपछि रुपबहादुर लामाको गोलमा जावलाखेलले खेल तीन–तीनको अवस्थामा पुर्‍यायाे । त्यसपछि दुवै टिमबाट थप गोल भएन र दुवैले एक–एक अङ्क बाँडे ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्