डेब्यु सिजनमै एटलान्टाकाे सानदार जित

फागुन ८, २०७६ बिहीबार ९:४२:९ | उज्यालो सहकर्मी

काठमाण्डाै – पहिलो पटक च्याम्पियन्स लिगमा सहभागिता जनाएको इटालियन क्लब एटलान्टाको डेब्यु सम्झनलायक बनेको छ ।

च्याम्पियन्स लिगको प्रिक्वार्टर फाइनलको पहिलो लेगमा स्पेनिस क्लब भ्यालेन्सियालाई चार–एकले स्तब्ध पारेपछि एटलान्टाकाे कम्तीमा क्वार्टर फाइनलसम्म पुग्ने सम्भावना बढेको छ ।

सान सिरो मैदानमा भएको खेलमा एटलान्टालाई जित दिलाउनका लागि हान्स हेटबोयरले दुई गोल गरे भने जोसिप इलिसिच र रेमो फ्रेउलरले एक–एक गोल गरे ।

एटलान्टाले सिरी ए को अघिल्लो सिजनमा तेस्रो भएर पहिलो पटक च्याम्पियन्स लिग खेल्न पाएको थियो । च्याम्पियन्स लिगको समूह चरणका सुरुका तीन खेल हारेर पनि एटलान्टा नकआउट चरणमा पुगेको थियो ।

१६औँ मिनेटमा हेटबोयरले गोल गर्दै एटलान्टालाई अग्रता दिलाएका थिए । ४२औँ मिनेटमा इलिसिचले गोल गर्दै पहिलो हाफअघि एटलान्टालाई दुई गोलको अग्रता दिलाए ।

५७औँ मिनेटमा इलिसिचले उत्कृष्ट गोल गर्दै एटलान्टालाई तीन–शून्यकाे अग्रता दिलाए । त्यसको पाँच मिनेटपछि फ्रेउलरले गोल गर्दै एटलान्टालाई चार–शून्यकाे अग्रता दिलाए ।

६६औँ मिनेटमा डेनिस चेरिसेभले भ्यालेन्सियाका लागि गोल गरे पनि त्यो सान्त्वनामात्र बन्यो ।

बर्गामोमा रहेको गिविस स्टेडियम एटलान्टाको घरेलु मैदान हो, जुन मिलानभन्दा ५५ किलोमिटर टाढा छ । युरोपेली फुटबल महासङ्घले मापदण्ड नपुगेको भनेपछि च्याम्पियन्स लिगका लागि एटलान्टाले सान सिरोमा खेल्ने मौका पाएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्