'टेनिस, मलाई माफ गर ! म बिदा हुँदैछु'

फागुन १५, २०७६ बिहीबार ७:४२:१८ | उज्यालो सहकर्मी

काठमाण्डाै – टेनिसकी सुन्दरी उपनामले परिचित मारिया सारापोभाले सन्यासको घोषणा गरेकी छिन् । केही समय अघिसम्म महिला टेनिसमा आफ्नो छवि छोडेकी सारापोभाले 'भ्यानिटी फेयर' नामक निबन्ध लेख्दै सन्यासको घाेषणा सार्वजनिक गरिन् ।

पाँच पटककी ग्राण्डस्लाम च्याम्पियन सारापोभाले सन्यास लिनुको प्रमुख कारण इन्ज्युरी भएको बताएकी छिन् । निबन्धमा उनले आफ्नो शरीरका कारण खेलमा ध्यान दिन नसकेको बताएकी छिन् ।

सन् २००४ मा १७ वर्षको उमेरमा विम्बल्डनको उपाधि जितेपछि सारापोभा निकै चर्चामा आएकी थिइन् । सन् २०१२ मा फ्रेन्च ओपनको उपाधि जित्दै सारापोभाले करियर स्लाम पूरा गरेकी थिइन् ।

सन् २०१६ मा सारापोभाले मेल्डोनियम प्रयोग गरेको पाइएपछि उनलाई १५ महिनाको प्रतिबन्ध लगाइएको थियो । प्रतिबन्धपछि फर्किएकी सारापोभाले लगातार इन्ज्युरीको समस्या भोग्न पर्‍यो, जसका कारण उनले आफ्नो लय समात्न सकिनन् ।

विश्व टेनिस वरीयतामा पनि उनी ३७३औँ स्थानमा झरिन् ।

उनले टेनिस आफ्नो लागि पहाड भएको उल्लेख गरेकी छिन् । ‘मेरो बाटो डाँडा–काँडा, उकालो–ओराले, सजिलो र अप्ठेरोले भरिएका थिए । तर शिखरबाट देखिएको दृष्य अलौकिक थियो ।’

‘टेनिस मलाई माफ गर ! म बिदा हुँदैछु’, सारापाेभाले भनिन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्