इंग्लिस प्रिमियर लिग : आज राति पाँच खेल हुँदै

फागुन १७, २०७६ शनिबार ८:३४:७ | उज्यालो सहकर्मी

इंग्लिस प्रिमियर लिग फुटबलमा आज राति ५ वटा खेल हुने भएका छन् ।

एस्टन भिल्ला र शेफिल्ड युनाइटेडबीचको खेल भने स्थगित भएको छ । आइतबार कारबाओ कपको फाइनलमा एस्टन भिल्ला र म्यानचेस्टर सिटी भिड्ने भएकाले शनिबार प्रिमियर लिग अन्तर्गतको खेल स्थगित गरिएको हो ।

आज साँझ १३ औं स्थानको क्रिस्टल प्यालेस र १५ औँ स्थानको ब्राइटनले सवा ६ बजे खेल्ने छन् । पौने ९ बजे एकैसाथ तीन वटा खेल हुनेछन् ।

२८ औँ चरणको खेल अन्तर्गत एएफसी बर्नमाउथ र चेल्सी, न्यु क्यासल युनाइटेड र बर्नले तथा वेस्ट ह्याम र साउथ ह्याम्पटन आमने सामने हुनेछन् । जारी लिगमा चेल्सी चौथो स्थानमा छ भने बर्नमाउथ १६ औँ स्थानमा छ । बर्नले १० औँ स्थानमा छ भने न्युक्यासल १४ औँ स्थानमा छ । साउथ ह्याम्पटन १२ औँ स्थानमा रहँदा साउथ ह्याम्पटन भने रेलिगेशन जोनमा रहेको छ ।

प्रिमियर लिग अन्तर्गत आज राति सवा ११ बजे शीर्ष स्थानको लिभरपुल रेलिगेशन जोनको वाटफोर्ड आमने सामने हुनेछन् । जारी लिगमा एक खेल पनि नहारेको लिभरपुल ७९ अंकका साथ शीर्ष स्थानमा छ । दोस्रो स्थानमा रहेको म्यानचेस्टर सिटीको ५७ अंक मात्रै छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्