जनकपुर-जयनगर रेलवे सञ्चालन हुन अझै केही महिना लाग्ने

फागुन ३०, २०७६ शुक्रबार १९:१६:५५ | सुभाष कर्ण

धनुषा - जनकपुर जयनगर रेलवे संचालन हुन अझै कम्तीमा तीन-चार महिना लाग्ने भौतिक पूर्वाधार तथा यातायातमन्त्री बसन्त नेम्वाङले बताउनु भएको छ ।

शुक्रबार जनकपुर–जयनगर रेलवेको निरीक्षण गर्न जनकपुरधाम पुग्नुभएका मन्त्री नेम्वाङले सञ्चारकर्मीहरुसँग कुराकानी गर्दै भौतिक पूर्वाधार तयार भए पनि कर्मचारी व्यवस्थापन, नयाँ रेल नियमावली लगायतका अन्य व्यवस्थापनमा समय लाग्न सक्ने भएकाले सञ्चालनमा आउन अझै तीन-चार महिना लाग्न सक्ने बताउनुभयाे ।

जयनगरबाट कुर्थासम्म ३५ किलोमिटरमा यसै आर्थिक वर्षदेखि रेल सञ्चालन गर्ने प्रयास रहेको बताउँदै मन्त्री नेम्वाङले रेलमार्ग तयार भइसकेको र विदेशबाट दक्ष कर्मचारी मगाएर भए पनि पहिलो चरणमा कुर्थासम्म, दोस्रो चरणमा बर्दिव‍ाससम्म र त्यसपछि पूर्वतर्फको र निजगढसम्म रेल गुडाइने जानकारी दिनुभयो ।

रेल गुडाउन सुरुवाती चरणमै ५-७ जनाको प्राविधिक टोली आवश्य‍क हुने र त्यो नेपालमा सम्भव नभएकोले भारतबाट ल्याइने उहाँले जानकारी दिनुभयाे । भारतीय टोलीले नेपालमै दक्ष प्राविधिक तयार गरेपछि नेपाली प्राविधिकले नै रेलवे सञ्चालन गर्नेछन्।

मन्त्री नेम्वाङले जनकपुरधाम रेलवे प्लेटफार्मसँगै खुजुरी र जयनगर पुगेर नीरिक्षण गर्नुभयाे।नीरिक्षण टोलीमा श्रम, रोजगार तथा सामाजिक सुरक्षामन्त्री रामेश्वर राय यादव, रेल्वे विभागका महाप्रबन्धक बलराम मिश्र र रेलवे पूर्वाधार निर्माण कम्पनी इस्ट इण्डिया कम्पनीका प्रतिनिधि लगायतकाहरु व्यक्तिहरु सहभागी हुनुहुन्थ्याे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्