काठमाण्डाै - नेप्से परिसूचक आज फेरि घटेको छ ।

साेमबार ३ दशमलव ३५ अंकले बढेको परिसूचक आज मंगलबार ४४ दशमलव ३३ अंकले घटेको नेपाल स्टक एक्सचेन्ज लिमिटेडले जनाएको छ । म्युचुअल फण्डबाहेक आज सबै समूहको उप–सूचक घटेका छन् ।

सबैभन्दा धेरै जीवन बीमा समूहको उप–सूचक ४ सय २६ दशमलव ४८ अंकले घटेको छ ।

आज १ अर्ब ४६ करोड ५१ लाख रुपैयाँ बराबरका ४३ लाख ६७ हजार कित्ता शेयर किनबेच भएका छन् । साेमबारको तुलनामा कारोबार रकम पनि झण्डै १५ करोड रुपैयाँले कम भएकाे छ ।

एनआईसी एसिया बैंक लिमिटेडको आज सबैभन्दा धेरै १० करोड रुपैयाँभन्दा धेरैको शेयर कारोबार भएको छ । बजार घटेको दिन आज सिद्धार्थ
इन्स्योरेन्स लिमिटेड लगायत ५ वटा कम्पनीका सेयर लगानीकर्ताले १० प्रतिशत गुमाएका छन् ।

जोशी हाइड्रोपावर डेभलपमेन्ट कम्पनी लिमिटेडका सेयर लगानीकर्ताले भने झण्डै ८ प्रतिशत कमाएका छन् ।