सुर्खेतमा भारतबाट आएका सन्ताउन्न जनालाई क्वारेन्टाइनमा राखियो

चैत १२, २०७६ बुधबार १२:२७:७ | मुना हमाल

सुर्खेत - कर्णाली प्रदेश सरकारले भारतबाट फर्किएका ५७ जना व्यक्तिलाई क्वारेन्टाइनमा राखेको छ ।

बुधबार राति भारतबाट आउँदै गर्दा नाकामा अलपत्र परेका कर्णालीका नागरिकलाई उद्धार गरेर क्वारेन्टाइनमा राखिएको हो । सरकारले वीरेन्द्रनगरमा रहेको अशोका होटलमा क्वारेन्टाइनको व्यवस्था गरेको छ।

सामाजिक विकासमन्त्री दल रावलले नेपाली सेनाले बनाउँदै गरेको क्वारेन्टाइन तयारी अवस्थामा नरहेकाले उनीहरुलाई होटलमा समन्वय गरेर राखिएको र उनीहरुलाई १४ दिनसम्म क्वारेन्टाइनमा राखिने बताउनु भयो।

उहाँले कञ्चनपुरको गड्डाचौकी नाकामा अलपत्र परेका ३२ जना कर्णालीका नागरिकलाई बुधबार उद्दार गरिने बताउनु भयो ।

प्रदेश सरकारले यात्रा गर्दा कोही अलपत्र परेमा उद्धारका लागि भनेर हटलाइन सेवा सुरु गरेको छ । भारतबाट फर्किएका नागरिक अलपत्र परेको गुनासो आएपछि सरकारले १११० नम्बरको हटलाइन सेवा सुरु गरेको हो।

जिल्ला प्रहरी कार्यालयका एसपी दिल्लीराज पन्तले आज सुर्खेतमा बाहिर निस्कन नदिनका लागि कडाइ गरिएको जानकारी दिनुभयो । उहाँले हिजो धेरै उल्लघंन भएकाले थप कडाइ गरिएको जानकारी दिनुभयो ।

प्रहरीले मंगलबार तीनसय २३ वटा सवारी साधन नियन्त्रणमा लिएको थियो भने चार जनालाई पक्राउ गरेको थियो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्