सारिएको मितिमा पनि टोक्यो ओलम्पिक हुनेमा शंका

चैत २९, २०७६ शनिबार १०:५१:१४ | उज्यालो सहकर्मी

काठमाण्डौ - विश्वव्यापीरुपमा कोरोना भाइरसको महामारी बढेसँगै यसै वर्ष आयोजना हुनुपर्ने टोक्यो ओलम्पिक एक वर्षलाई सारिएको छ ।

अन्य खेलकुदका प्रतियोगिताहरु पनि धमाधम स्थगित भएका छन् ।

टोक्यो ओलम्पिक यसै वर्ष हुनुपर्नेमा अर्को वर्ष सन् २०२१ को जुलाई २३ देखि अगस्ट ८ सम्म गर्नेगरी मिति तय भएको छ । तर, टोक्यो ओलम्पिक सारिएको मितिमा पनि आयोजना हुनेमा पनि आशंका गरिएको छ ।

टोक्यो ओलम्पिकका मुख्य कार्यकारी अधिकृत ताशिरो मुटोले प्रतियोगिता हुनेमा आशंका व्यक्त गरेका छन् । उभनले भने, ‘सारिएको मिति २०२१ मा पनि प्रतियोगिता हुने कुनै ग्यारेन्टी छैन ।’

जापानका प्रधानमन्त्री सिन्जो आवेले यसअघि यसै वर्ष ओलम्पिक हुने विश्वास व्यक्त गर्दै आएका थिए । जसकाका कारण ओलम्पिक टर्च र्यालीसमेत सुरु भइसकेको थियो । एथेन्सबाट जापानमा टर्च पनि आइसकेको अवस्थामा बढ्दो कोरोनाको महामारीका कारण सरकारले अहिले आपतकाल पनि घोषणा गरेको छ ।

यो पनि पढ्नुहोस्

खाडी र मलेसियामा शनिबारकाे कोरोना अपडेट : ३९ नेपाली सङ्क्रमित, ५ जना निकाे भए, ३४ जना उपचाररत

आपतकाल घोषणाअघि नै ओलम्पिक एक वर्ष पर सारिएको थियो । यदि जुलाईसम्ममा कोरोना भाइरसमाथि सफलता हासिल गर्न नसकिए तयारीका लागि पनि समय अपर्याप्त हुने बुझिएको छ । अर्को बवका लागि सारिएको ओलम्पिकको केही खेलका छनोट लगायतका कुराहरु अझैं बाँकी रहेका छन् ।

ओलम्पिक मुख्य कार्यकारी अधिकृत मुटोले अहिले नै अर्को वर्षको ओलम्पिकबारे स्पष्ट जवाफ दिने बेला नआएको बताए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्