सुर्खेत र नेपालगञ्जमा अलपत्र परेका हुम्लीको हवाई मार्गबाट उद्धार

जेष्ठ नागरिक, अपाङ्गता भएका व्यक्ति र विद्यार्थीलाई ५० प्रतिशत छुट

वैशाख २०, २०७७ शनिबार १३:५८:८ | मुना हमाल

सुर्खेत – कर्णाली प्रदेश सरकारको पहलमा सुर्खेत र नेपालगञ्जमा अलपत्र परेका हुम्लाका नागरिकलाई हवाई मार्गबाट उद्धार गर्न थालिएको छ । राष्ट्रिय सडक सञ्जालमा नजोडिएको हुम्लामा उनीहरुलाई हवाई मार्गबाट उद्धार गर्न थालिएको हो ।

हुम्लाबाट सुर्खेत र नेपालगञ्जमा पढ्न, उपचार गर्नलगायत विभिन्न कामले आएका नागरिकलाई शनिबारदेखि प्रदेश सरकारको पहलमा जिल्ला पुर्‍याउने व्यवस्था गरिएकाे हो ।

खान र बस्न समस्या भएर अलपत्र परेकाहरुले उद्धार गर्न आग्रह गरेपछि पहल गरिएको उद्योग, पर्यटन, वन तथा वातावरण मन्त्री नन्द सिंह बुढाले बताउनुभयो । हवाई भाडा भने नागरिक आफैले तिरेको र प्रदेश सरकारले एयरलाइन्सहरुसँग समन्वय गरेर जेष्ठ नागरिक, पूर्ण अपाङ्गता भएका व्यक्ति र विद्यार्थीहरुलाई ५० प्रतिशत छुट दिइने व्यवस्था मिलाइएको उहाँले जानकारी दिनुभयो । शनिबार बिहान मुख्यमन्त्रीसहितसँग यस विषयमा छलफल गरेर निर्णय लिइएको मन्त्री बुढाले उल्लेख गर्नुभयो ।

सुर्खेत विमानस्थलबाट मात्रै शनिबार बिहान ५० जनालाई हुम्ला पुर्‍याइएको छ । हुम्लामा उद्धार गरेर पठाइएका व्यक्तिहरुलाई सम्बन्धित पालिकासँग क्वरेण्टीनमा राख्नका लागि समन्वय भएको सामजिक विकास मन्त्री दल रावलले जानकारी दिनुभयो ।

उहाँले भन्नुभयो, ‘अनिवार्य क्वरेण्टीनमा बस्नुपर्छ । यहाँबाट उद्धार गरेर पठाइएका सबैलाई अनिवार्य रुपमा क्वरेण्टीनमा राख्न सम्बन्धित पालिकालाई भनेका छौँ । १४ दिनसम्म क्वरेण्टीनमा राखेपछि कोरोना परीक्षणपछि मात्र घर पठाउने व्यवस्था हुन्छ ।’

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्