घर फर्कन पाउँ सरकार !

 वैशाख २८, २०७७ आइतबार ११:३३:२१ | मेरो कथा मेरो भोगाई

गोकर्ण आचार्य/नेपाल, हाल यूएई

काठमाण्डौ – म कुनै राजनीतिक दलको कार्यकर्ता होइन । कसैलाई चिप्लो घसेर फुर्काउन पनि आउँदैन । न त नेताहरुको झोला बोकेर र मान्छे रिझाएर जागिर नै खाएको हो ।

यी सबै कुराबाट माथि उक्लेर आफूलाई स्वच्छ बनाएँ र त आज खाडीको तातो हावामा आफूलाई डढाइरहेको छु । 

म तीन वर्ष पहिले आफ्ना तमाम समस्या हल गर्ने र सुनौला सपना पूरा गर्ने भनेर यस ठाउँमा आएको थिएँ । बीचमा घर जाने, आउने भइरहन्थ्यो । तर यसपटक भने विश्वव्यापी फैलिएको कोरोना महामारीले गर्दा त्यसो हुन पाएन ।

जहिल्यै पनि अप्रिल २४ देखि मेरो भ्याकेसन (छुट्टी) हुन्थ्यो । तर यसपटक भने कम्पनीको भ्याकेसन अनुभव नै गर्न पाइएन । मार्च १३ तारिख नै मेरो रोजगारीको अन्तिम दिन भयो ।

अनिश्चितकालका लागि कम्पनी बन्द भयो । कोरोनाको माहामारी सामान्य नहुन्जेलसम्म कम्पनी बन्द गर्ने भनेको छ । कम्पनीले बेतलबी बिदा दिएर राखेको छ । ५५ दिन भयो यसरी नै बेतलबी भएर बसेको । 

कोरोनाले मलाई शारीरिक रुपमा असर नगरे पनि मानसिक तथा आर्थिक रुपमा म लगायत मेरो परिवारमा समेत यसको नराम्रो असर परेको छ । खाने खर्चदेखि कोठाभाडा सबै आफैले तिर्नुपर्छ । समस्या दिनदिनै बढिरहेका छन् । दुई महिनाभन्दा अगाडिको तलबले दैनिकी चलाइरहनुपरेको छ । त्यो पनि सकिसक्यो । अब मलाई कोरोनाको भन्दा ठूलो डर विदेशी भूमिमा भोकै मर्छु कि भन्ने छ । 

म जस्तै लाखौं श्रमिकहरु यस्तै समस्या झेलिरहेका छन् । यस्तो अवस्थामा घर फर्कन पाउँ भनेर मजस्तै लाखौं श्रमिकको नेपाल सरकारलाई अनुरोध गरेका छौं ।

अवस्था सहज भएको बेला हामीले देशमा रेमिट्यान्स भित्र्यायौं । आज गास, बास र रोजीरोटी गुम्दा, गहभरी आँसु पार्दै हामीलाई लिन जहाज कहिले आउँछ भनेर आकाशमा हेरेर बस्नुको विकल्प छैन ।

मसँगै काम गर्ने भारत, पाकिस्तान, फिलिपिन्स, युरोपेली देशका श्रमिकहरुलाई उनीहरुको देशले स्वदेश फर्काएको छ । अहिले उनीहरु आफ्नो परिवारसित खुशीसाथ बसेका छन् । 

तर हाम्रो देशले परदेशमा समस्यामा परेका आफ्ना नागरिकलाई उद्धार गर्ने यत्ति पनि हिम्मत गर्दैन । साह्रै दुःख लाग्छ ।

दूतावासमा पचास पटक फोन गर्दा पनि फोन उठ्दैन । फोन उठिहाले पनि सान्त्वना र सद्भावनाको साटो अन्तर्वार्ता दिनुपर्छ हामीहरुले । म यहाँ मर्न चाहान्नँ । यदि मेरो देशमा सरकार छ भने नागरिकलाई सरकार हुनुको अनुभूति दिलाऔं ।

बरु म नेपाल फर्केर आफ्नै देशमा बनिबुतो गर्छु । बाँझा पाखामा सुन फलाउन प्रयत्न गर्छु । परिवार र सानी छोरीसँगै सुखदुःख साट्न चाहन्छु । बिन्ती छ सरकार मजस्ता धेरैलाई यस्तो समस्याबाट मुक्ति दिलाइदेउ । हामीलाई स्वदेश फर्किने वातावरण मिलाइदेउ ।

याे पनि पढ्नुहाेस्

 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Kamal Sunar

    May 10, 2020, 12:43 p.m.

    नेपाल गुलामी , कमजोर थियो संधै कमजोर नै हुन्छ / नेपालको अगाडि हात फैलाएर केही हुनेवाला छैन / नेपालमा जन्मिनु अनि नेपाली हुन् नै हाम्रो अभाग्य हो अहिले नेपालको अवस्था हेर्दा /

  •  0 Reply

  • Bishal

    May 10, 2020, 11:53 a.m.

    अब त अति भो , दुइ महिना हामीले सरकारलाई सहयोग गर्यौं / सरकारले बस भन्यो, हामी बस्यौं ...अब परिस्थिति त्यस्तो छैन जुन २ महिना अगाडि थियो ...धेरैलाई गाह्रो छ /म आफै पनि सरकारको यो लाचारीपनवाट पीडित छु / उज्यालोले घर आउन चाहने नेपालीको विषयमा जोडदार रुपमा उठाउन पर्यो , यसले उज्यालोलाईअझै लोकप्रिय बनाउँछ /

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई