इंग्ल्याण्ड तथा वेल्सका अध्यक्ष कोलिन ग्रेभ्स आईसीसीको नयाँ अध्यक्ष बन्ने सम्भावना

जेठ १५, २०७७ बिहीबार ११:२५:३० | उज्यालो सहकर्मी

काठमाण्डौ - भारतका शशांक मनोहर तेस्रो कार्यकालका लागि आईसीसीको अध्यक्ष नहुने भएपछि इंग्ल्याण्ड तथा वेल्सका अध्यक्ष कोलिन ग्रेभ्स नयाँ अध्यक्ष बन्ने सम्भावना रहेको छ ।

भारतीय क्रिकेट कन्ट्रोल बोर्ड बीसीसीआईले आउँदो कार्यकालका लागि इंग्ल्याण्डका ग्रेभ्सलाई समर्थन गर्ने बताएपछि बीसीसीआई र इंग्ल्याण्डबीच नयाँ गठबन्धनले भारतीय क्रिकेटरलाई फाइदा हुने अपेक्षा गरिएको छ ।

भारतीय क्रिकेटरहरु आउँदो वर्ष हुने क्रिकेटको ‘द हन्ड्रेड टुर्नामेन्ट’ मा भाग लिनसक्ने आकलन गरिएको छ ।

इंग्ल्याण्डले पछिल्लो खराब अवस्थाका कारण बीसीसीआईसँग मिलेर आर्थिक अवस्था माथि उठाउनका लागि हन्ड्रेड लिगमा भारतीय खेलाडी ल्याउने तयारी गरिएको बुझिएको छ ।

ईसीबीका मुख्य कार्यकारी अधिकृत टम हेरिसनले पत्रकारसँग कुरा गर्दै बीसीसीआईसँग भारतीय खेलाडी ल्याउने विषयमा छलफल भइरहेको बताएका थिए । तर, अहिलेसम्म बीसीसीआईले भारतीय क्रिकेटरलाई आईपीएल बाहेक अन्य कुनै पनि फ्रेन्चाइज लिग खेल्ने अनुमति दिएको छैन ।

‘द हन्ड्रेड टुर्नामेन्ट’ यसै वर्षदेखि शुरु गर्ने भनेर इंग्ल्याण्ड तथा वेल्स क्रिकेट बोर्ड ईसीबीले तयारी थालेको थियो । तर कोरोना भाइरसका कारण यो प्रतियोगिता अहिले १ वर्ष पर धकेलिएको छ । ‘द हन्ड्रेड टुर्नामेन्ट’ मा १०० बलको खेल हुन्छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्