कर्णालीमा  थप १८ जनामा कोरोना सङ्क्रमण, कोरोना सङ्क्रमितको संख्या १ सय २३ पुग्यो

 जेठ १८, २०७७ आइतबार १०:४०:३२ | मुना हमाल
unn.prixa.net

सुर्खेत - कर्णाली प्रदेशमा कोरोना भाइरस (कोभिड(१९) सङ्क्रमितको संख्या एक सय २३ पुगेको छ । 

कर्णाली स्वास्थ्य विज्ञान प्रयोगशाला जुम्लामा भएको परीक्षणमा आइतबार १८ जनामा कोरोना सङ्क्रमण देखिएको हो । 
सामाजिक विकास मन्त्रालय अन्तर्गत स्वास्थ्य महाशाखाले प्रेस विज्ञप्ति मार्फत दैलेखका १७ जना र कालिकोटका एक जनामा कोरोना सङ्क्रमण पुष्टि भएको जनाएको हो ।  

कोरोना सङ्क्रमणबाट कर्णालीमा एक जनाको मृत्यु भइसकेको छ ।  भारतबाट फर्किएका दैलेखका ३५ वर्षीय युवाको कोरोना सङ्क्रमणबाट मृत्यु भएको हो । 
पछिल्लो समय भारतबाट फर्किनेको संख्या बढेसँगै कर्णालीमा कोरोना सङ्क्रमणको जोखिम पनि बढेको छ ।

जेठ महिना यता मात्रै कर्णालीमा २३ हजार ७ सय ९१ जना भारतबाट आएका छन् । उनीहरु सबैलाई स्थानीय तहले बनाएका क्वरेन्टीनमा राखेको मन्त्रालयले जनाएको छ । 

अन्तिम अपडेट: असार ९, २०७७

मुना हमाल

मुना हमाल सुर्खेतका उज्यालो सहकर्मी हुनुहुन्छ । 

तपाईको प्रतिक्रिया