धरहरा र रानीपोखरी ३ वर्षभित्रै बन्ने

यो वर्ष २ सय सम्पदाको पुनर्निर्माण सकिने

 साउन १७, २०७५ बिहीबार १७:२५:१० | उज्यालो सहकर्मी

काठमाडाैं - संस्कृति, पर्यटन तथा नागरिक उड्डयन मन्त्रालयले ३ वर्षभित्र धरहरा र रानीपोखरीको पुनर्निर्माण सक्ने लक्ष्यसहित कार्ययोजना सार्वजनिक गरेको छ ।
कार्ययोजनामा धरहरा तीन वर्षभित्र सक्ने गरी राष्ट्रिय पुनर्निर्माण प्राधिकरणले काम गर्ने उल्लेख छ ।

त्यस्तै काष्ठमण्डप र रानीपोखरी काठमाडौं महानगरपालिकाले तीन वर्षभित्र सक्ने गरी भौतिक कार्य सुरु गर्ने भनिएको छ । 

रानीपोखरी पुरातत्व विभागले तयार पारेको डिजाइन अनुसार नै निर्माण कार्य सुरु हुने भएको छ । 

रानीपोखरी परिसरको बालगोपालेश्वर मन्दिरको पुनर्निर्माण यहि चैत भित्र पुरातत्व विभागले सम्पन्न गर्ने भनिएको छ ।

भूकम्पबाट क्षतिग्रस्त सम्पदा यो वर्षभित्र ८० प्रतिशत पुनर्निर्माणको लक्ष्य सहित कार्ययोजना सार्वजनिक गरेको छ । 

नीति, कार्यक्रम तथा बजेटमा उल्लेख भएका विषय समेटेर मन्त्रालयले कार्ययोजना सार्वजनिक गरेको हो । 

कार्ययोजनामा राष्ट्रिय संग्रहालय निर्माण र सम्पदा संरक्षण एवं पुनर्निर्माण शिर्षक अन्र्तगत भूकम्पबाट क्षतिग्रस्त सम्पदाको पुनर्निर्माण गर्ने उल्लेख छ । 

यस्तै भूकम्पबाट क्षतिग्रस्त सम्पूर्ण सम्पदा संरक्षण तथा पुनर्निर्माण कार्य तीन बर्षभित्र सम्पन्न गर्ने र थप २ सय सम्पदा यसै वर्ष सम्पन्न गर्ने लक्ष्य छ । 
कार्ययोजनामा १ सय ३१ सम्पदाको पुनर्निर्माण भैसकेको उल्लेख छ ।

विश्व सम्पदा सूचिमा रहेका काठमाडौं उपत्यकाभित्रका सम्पदाको पुनर्निर्माण तीन वर्ष भित्रै सक्ने लक्ष्य छ ।

स्वयम्भू र बौद्धनाथ यहि पुस, पशुपति, चाँगुनारायण, पाटन दरबार परिसर २०७७ सालको असार मसान्तभित्र तथा हनुमानढोका र भक्तपुर दरबार परिसर २०७८ सालको असार मसान्तभित्रै सक्ने उल्लेख छ । 

अन्तिम अपडेट: फागुन २७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

अर्घाखाँचीका कुनै गाउँमा बिजुली नपुगेको भए सूचना दिन प्राधिकरणकाे आग्रह

२

युक्रेनसँग युद्ध शुरू भएपछि रुसी राष्ट्रपति पुटिन पहिलो पटक कुर्स्क क्षेत्रको भ्रमणमा

३

बागमती प्रदेशले तीन वर्षदेखि साधारणसभा नगर्ने सहकारी संस्थाको दर्ता खारेजी प्रक्रिया अगाडि बढाउने

४

युक्रेनसँगको युद्धविरामका लागि रुसको विभिन्न सर्त

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई