गाजाको अस्पतालमा इजरायली सेनाको कारबाही शुरु
चैत ६, २०८० मंगलबार
ओखलढुङ्गा – भारतबाट आएपछि कोरोना सङ्क्रमण देखिएका ओखलढुङ्गाका एक युवाले कोरोना जित्नुभएको छ ।
वीरगञ्ज हुँदै लिखु गाउँपालिकामा रहेको घर आउनुभएका उहाँलाई असार ७ गते क्वरेण्टीनमा रहेको समयमा कोरोना सङ्क्रमण भएको पुष्टि भएको थियो । उहाँ जिल्लाको पहिलो सङ्क्रमित हुनुहुन्थ्यो ।
कामको सिलसिलामा भारत रहनुभएका २८ वर्षीय उहाँ असार ३० गते घर आउनुभएको थियो । कोरोनामुक्त भएपछि उहाँ कोरोना अस्पताल विराटनगरबाट सोमबार डिस्चार्ज हुनुभएको छ । १४ दिन उपचारपछि उहाँ निको भएर घर फर्किन लागेको जिल्ला स्वास्थ्य प्रमुख सुमन तिवारीले बताउनुभयो ।
सङ्क्रमणमुक्त भएका युवालाई घर ल्याउने व्यवस्था गर्न गाउँपालिकालाई जानकारी गराइएको तिवारीको भनाइ छ । सोमबार बिहानसम्म ती युवाबाहेक जिल्लामा अरुलाई कोरोना सङ्क्रमण देखिएको छैन । उहाँ डिस्चार्ज भएसँगै ओखलढुङ्गा सङ्क्रमणमुक्त भएको छ ।