बाजुरा : सुत्केरी हुन नसकेर छट्पटाउँदै

असार २६, २०७७ शुक्रबार १५:४४:३७ | निमेन्द्र शाही

बाजुरा – बाजुराको हिमाली गाउँपालिका ३ यूनाकी २५ वर्षीया लालसरी बुढा तीन दिनदेखि सुत्केरी व्यथा लागेर छटपटाइ रहनुभएको छ ।

सुत्केरी व्यथा लागेकी बुढाले बच्चा जन्माउन सक्नुभएको छैन । उहाँकाे शरीरबाट अत्यधिक रक्तश्राव भइरहेको छ । गाउँ नजिकै रहेको यूना आधारभूत स्वास्थ्य केन्द्रमा स्वास्थ्यकर्मी नभएको स्थानीयबासीले बताएका छन् ।

नजिकैकाे स्वास्थ्य केन्द्रमा सुत्केरी गराउन स्वास्थ्यकर्मी नभएकाेले बुढालाई अर्को स्वास्थ्य चौकीमा लैजान खोज्दा वर्षाका कारण बाटाे बन्द हुँदा सम्भव नभएको स्थानीयवासी अर्जुन रोकायाले बताउनुभयो ।

स्थानीयवासीको सक्रियतामा गर्भवतीलाई बिच्छ्या स्वास्थ्य चौकी पुर्‍याउने पहल गरिए पनि सफल नभएपछि उहाँलाई घर फर्काइएको छ । रगत बगेको र सुत्केरी हुन नसकेकोबारे स्वास्थ्यकर्मीलाई खबर गरेर गाउँमै बोलाइए पनि पहिरोले गर्दा स्वास्थ्यकर्मीसमेत आउन नसकेको रोकायाको भनाइ छ । बिच्छ्या स्वास्थ्य चौकी युनाबाट झण्डै पाँच घण्टाको पैदल दुरीमा पर्छ ।

दुर्गम यस गाउँबाट कोल्टी प्राथमिक स्वास्थ्य केन्द्रमा गर्भवती बोकेर ल्याउन तीन दिनको पैदल यात्रा गर्नुपर्ने बाध्यता छ । बुढालाई बोकेर ल्याउँदा वर्षाकाे कारण पहिरो आएमा बीच बाटामा अलपत्र पर्ने र ज्यान जाने जोखिमका डरले कोल्टी ल्याउन नसकिएको रोकायाले बताउनुभयो ।

गर्भवतीको उच्च रक्तश्राव भइरहेकाले तत्काल उपचार नभए ज्यान जाने जोखिम रहेको छ । हिमाली गाउँपालिकाले भने स्वास्थ्य संस्थाले गर्भवतीको उपचारकाे लागि सिफारिस नगर्दासम्म गाउँपालिका स्वास्थ्य शाखाले कुनै प्रक्रिया अघि बढाउन नसक्ने जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्