जोफ्रा आर्चरले दोस्रो टेस्ट गुमाउने, ५ दिन आइसोलेशनमा बस्ने

साउन १, २०७७ बिहीबार १५:४५:३ | उज्यालो सहकर्मी

काठमाण्डौ - इङ्ग्ल्याण्डका तीव्र गतिका बलर जोफ्रा आर्चरले वेस्ट इण्डिजविरुद्धको दोस्रो टेस्ट गुमाउने भएका छन् ।

कोरोनासम्बन्धी प्रोटोकल उल्लङ्घन गरेका कारण आर्चरलाई इङ्ग्ल्याण्डले टिमबाट बाहिर निकालेको हो ।

अब आर्चर पाँचदिन आइसोलेशनमा रहने छन् । यस क्रममा उनको दुई पटक कोरोना परीक्षण हुनेछ, परीक्षण रिपोर्ट नेगेटिभ आएपछि उनी फेरी टिमसँग जोडिनेछन् ।

इङ्ग्ल्याण्ड क्रिकेट बोर्डकाअनुसार आर्चरले कोरोना भाइरस महामारीबाट बच्नका लागि बनाइएको जैविक सुरक्षा प्रोटोकल तोडेका थिए ।

आर्चरले पनि आफ्नो गल्ती स्वीकार्दै भनेका छन्, ‘मैले जे गरेँ, त्यसको लागि खेद प्रकट गर्न चाहन्छु । आफूमात्र नभई मैले टिमलाई नै खतरामा पारेँ । म सबैसँग इमान्दारीपूर्वक माफी माग्छु । टेस्ट खेल्न नपाउँदा मलाई दुःख लागेको छ ।’

जोफ्रा आर्चर टिमबाट बाहिरिएपछि जेम्स एण्डरसन र मार्क वुडमध्ये एक जनाले प्लेइङ ११ मा स्थान बनाउने छन् । टिम व्यवस्थापकले स्टुअर्ट ब्रडलाई पनि राख्न सक्छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्