'अनुहार हेरेर कोरोना सङ्क्रमित चिनिँदैन'

साउन ११, २०७७ आइतबार १७:०:० | उज्यालो सहकर्मी

काठमाण्डाै – स्वास्थ्य तथा जनसङ्ख्या मन्त्रालयले अनुहार हेरेर कोरोना सङ्क्रमित नचिनिने भएकोले हरेक व्यक्तिसँग सतर्क हुन आग्रह गरेको छ ।

मन्त्रालयको नियमित पत्रकार सम्मेलनमा प्रवक्ता डाक्टर जागेश्वर गौतमले कतिपयलाई कोरोना सङ्क्रमण भए पनि लक्षण नै नदेखिने र अनुहार हेरेर सङ्क्रमित नचिनिने भएकोले हरेक व्यक्तिसँग सतर्क रहनुपर्ने बताउनुभयो ।

उहाँले नेपालमा अहिले पनि दिनहुँ कोरोना सङ्क्रमित भेटिरहेको र नेपालमा जोखिम कायमै रहेको भन्दै सावधानी अपनाउन आग्रह गर्नुभयो । लकडाउन हटे पनि काेराेनाकाे जाेखिम कायमै रहेकाेले स्वास्थ्यसम्बन्धी मापदण्डकाे पालना गर्न प्रवक्ता देवकाेटाले आग्रह गर्नुभएकाे छ ।

पछिल्लाे २४ घण्टामा नेपालमा एक सय ३० जनामा काेराेना भाइरसकाे सङ्क्रमण पुष्टि भएसँगै कुल सङ्क्रमितकाे सङ्ख्या १८ हजार ६ सय ८३ पुगेकाे छ । थप ७५ जना डिस्चार्ज भएसँगै काेराेनामुक्त भएर घर फर्किनेकाे सङ्ख्या १३ हजार एक सय २८ पुगेकाे छ ।

अहिले देशभरि पाँच हजार चार सय ४० जना सक्रिय सङ्क्रमित रहेका छन् । प्रदेश नम्बर १ मा एक सय ८६, प्रदेश नम्बर २ मा एक हजार आठ सय ७३, वाग्मती प्रदेशमा चार सय ४४ र गण्डकी प्रदेशमा दुई सय ९४ जना आइसोलेशनमा उपचाररत छन् । यस्तै प्रदेश नम्बर ५ मा तीन सय ५८, कर्णाली प्रदेशमा तीन सय ६७ र सुदूरपश्चिम प्रदेशमा एक हजार नाै सय १८ जना सङ्क्रमित उपचाररत छन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्