धनुषामा काेराेनासँग मिल्दाेजुल्दाे लक्षण देखिएका २ जनाकाे मृत्यु

 साउन २५, २०७७ आइतबार १५:३:५५ | उज्यालो सहकर्मी
unn.prixa.net

धनुषा – धनुषामा कोरोना भाइरससँग मिल्दाेजुल्दाे लक्षण देखिएका दुई जनाकाे मृत्यु भएकाे छ ।

जनकपुरधाम उपमहानगरपालिका २ मा रहेको विनय तारा फाउण्डेशन क्यान्सर अस्पतालमा सेक्युरिटी गार्डको काम गर्दै आएका ४५ वर्षीय पुरुष र  शहीद नगरपालिका ८ का ५० वर्षीय पुरुषको ज्यान गएको हो । उहाँहरुलाई ज्वरो, रुघाखोकीका साथै श्वासप्रश्वासमा समस्या भएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिनुभयो ।

मृत्यु भएका दुवै जनाकाे कोरोना भाइरस सङ्क्रमणको आशङ्कामा स्वाब सङ्कलन गरिएको भट्टराईले बताउनुभयो ।  

अन्तिम अपडेट: साउन २६, २०७७

तपाईको प्रतिक्रिया