च्याम्पियन्स लिगमा लियोनद्वारा म्यानचेस्टर सिटी ३-१ ले पराजित

साउन ३२, २०७७ आइतबार ६:४:३१ | उज्यालो सहकर्मी

काठमाण्डौ - लियोन, च्याम्पियन्स लिग फुटबलको सेमिफाइनलमा पुगेको छ । राति भएको खेलमा म्यानचेस्टर सिटीलाई ३-१ ले हराउँदै लियोन अन्तिम चारमा प्रवेश गरेको छ ।

खेलको २४ औं मिनेटमा कोर्नेटले गोल गर्दै लियोनलाई अग्रता दिलाए । ६९ औं मिनेट म्यानचेस्टर सिटीका डि ब्रयोनले गोल गर्दै खेल बराबरीमा पुर्याए ।

तर डेम्बेलेले ७९ र ८७ मिनेटमा गोल गरेपछि लियोन ३-१ ले विजयी भयो । योसँगै च्याम्पियनसिपको सेमिफाइनल समीकरण पूरा भएको छ ।

अब पहिलो सेमिफाइनलमा पर्सि राति आरबी लेइप्जिग र पेरिस सेन्ट जर्मेन खेल्नेछन् भने बुधबार राति लियोन र बार्यन म्युनिखबीच प्रतिस्पर्धा हुनेछ ।

लिगको उपाधिको लागि अर्को आइतबार राति खेल हुनेछ ।

अन्तिम अपडेट: चैत २४, २०८०

च्याम्पियन्स लिगमा लियोनद्वारा म्यानचेस्टर सिटी ३-१ ले पराजित

तपाईको प्रतिक्रिया