वरिष्ठ परम्परागत कलाकार प्रेममान चित्रकारको निधन

 भदौ १, २०७७ सोमबार ६:२७:५५ | सिल्भिया राजोपाध्याय
unn.prixa.net

काठमाण्डाै - वरिष्ठ परम्परागत कलाकार प्रेममान चित्रकारको आइतबार निधन भएको छ ।

चित्रकारको ७८ वर्षको उमेरमा कलंकीमा रहेकाे नेशनल हस्पिटलमा उपचारका क्रममा निधन भएको अर्का वरिष्ठ कलाकार लोक चित्रकारले बताउनु भयो । पुर्ख्यौली रुपमा पौभाकला विधाका सिद्धहस्त कलाकारका रुपमा परिचित चित्रकार लामो समयदेखि श्वासप्रश्वास सम्बन्धी रोगबाट ग्रसित हुनुहुन्थ्यो ।

नेपाल परम्परागत कलाकार संघका आजीवन अध्यक्ष उहाँ इन्द्रराज्य लक्ष्मी पुरस्कार, अरनिको सम्मान पुरस्कारलगायतबाट पनि पुरस्कृत हुनुहुन्थ्यो ।

चित्रकारको श्रीमती, एक छोरा र तीन छोरी छन् ।

अन्तिम अपडेट: चैत १३, २०८०

सिल्भिया राजोपाध्याय

सिल्भिया राजोपाध्याय उज्यालोमा कार्यरत हुनुहुन्छ ।

तपाईको प्रतिक्रिया