रोमानियाकी हालेपलाई प्राग ओपन टेनिसको उपाधि

भदौ १, २०७७ सोमबार ७:२१:२२ | उज्यालो सहकर्मी

काठमाण्डौ - रोमानियाकी सिमोना हालेपले प्राग ओपन टेनिसको उपाधि जितेकी छिन् ।

चेक रिपब्लिकको प्रागमा भएको फाइनलमा हालेपले एलिस मेर्टेन्सलाई पराजित गरिन् ।

विश्व नम्बर दुई हालेपले बेल्जियमकी मेर्टेन्सलाई ६-२ र ७-५ ले हराइन् । कोरोना भाइरसको कारण लकडाउन खुलेपछि हालेपले पहिलो उपाधि जितेकी हुन् ।

२८ वर्षीया हालेप प्राग ओपन जित्ने दोस्रो शीर्ष वरीयता प्राप्त खेलाडी हुन् । यसअघि कारोलिना प्लिस्कोभाले २०१५ मा प्राग ओपन जितेकी थिइन् । हालेपको यो वर्षको दोस्रो उपाधि हो ।

अन्तिम अपडेट: बैशाख ५, २०८१

रोमानियाकी हालेपलाई प्राग ओपन टेनिसको उपाधि

तपाईको प्रतिक्रिया