युरोपा लिगको उपाधि स्पेनिस क्लब सेभियालाई

भदौ ६, २०७७ शनिबार ७:३९:३१ | उज्यालो सहकर्मी

काठमाण्डौ - युरोपा लिग फुटबलको उपाधि स्पेनिस क्लब सेभियाले जितेको छ ।

गएराति जर्मनीमा भएको खेलमा इटालियन क्लब इन्टर मिलानलाई ३-२ गोलले हराउँदै सेभियाले उपाधि जितेको हो । सेभियालाई जित दिलाउन लुक डे जोङले दुई र डिएगो कार्लोसले एक गोल गरे ।

यस्तै इन्टर मिलानका लागि रोमेरो लुकाकु र डिएगो गोडीनले एक/एक गोल फर्काए । सेभियाले छैठौं पटक युरोपा लिगको उपाधि जितेको छ ।

यसअघि सेभियाले सन् २०१६ मा युरोपा लिग जितेको थियो । सेभिया ६ पटक युरोपा लिग जित्ने एक्लो टिम हो ।

सन् १९९८ मा युरोपा लिग जितेको इन्टर मिलानले पछिल्लो ९ वर्षयता कुनै पनि उपाधि जित्न सकेको छैन ।

अन्तिम अपडेट: बैशाख २, २०८१

युरोपा लिगको उपाधि स्पेनिस क्लब सेभियालाई

तपाईको प्रतिक्रिया