भारतमा कोरोना सङ्क्रमितको क्षयरोग जाँच हुने, क्षयरोगका बिरामीको कोरोना जाँच हुने

भदौ ११, २०७७ बिहीबार १८:१८:५५ | एजेन्सी

काठमाण्डौ – भारतमा कोरोना भाइरसको सङ्क्रमण पुष्टि भएकामा क्षयरोगको पनि जाँच गरिने भएको छ । भारतको केन्द्रीय स्वास्थ्य मन्त्रालयले कोरोना सङ्क्रमितको क्षयरोग जाँच्न दिशानिर्देश जारी गरेको हो ।

यस्तै अब पहिले नै क्षयरोग भएकाहरुको पनि कोरोना परीक्षण हुने भारतीय सञ्चारमाध्यमले जनाएका छन् । भारतमा ६ महिनामा कोरोना सङ्क्रमणका कारण ६० हजारभन्दा धेरैको ज्यान गएको त्यहाँको स्वास्थ्य मन्त्रालयले जनाएको छ ।

भारतमा कोरोना सङ्क्रमणभन्दा पनि क्षयरोग खतरनाक मानिएको छ । क्षयरोगका कारण दैनिक १३ सय जनाको ज्यान जाने गरेको भारतमा कोरोना सङ्क्रमणका कारण लकडाउन सुरु भएपछि क्षयरोगका बिरामीको सङ्ख्या अप्रत्याशित रुपमा घटेको पाइएको छ । लकडाउन सुरु भएपछि मात्रै ३० प्रतिशतभन्दा धेरैले क्षयरोगी घटेको भारतीय सञ्चारमाध्यमले जनाएका छन् ।

लकडाउनको कारण क्षयरोगका बिरामीको सङ्ख्यामा कमी आएको बताइएको छ । बिहारका प्रमुख क्षयरोगका अधिकारी डाक्टर के एन सहायले कोभिड–१९ का कारण अस्पताल पुग्ने बिरामीको सङ्ख्यामा ३० प्रतिशतले कमी आएको बताए ।

यही अवस्थालाई ध्यानमा राख्दै केन्द्र सरकारले कोभिड–१९ सङ्क्रमितको क्षयरोग जाँच र क्षयरोगका बिरामीको कोभिड जाँच गर्न दिशानिर्देश जारी गरेको हो ।

भारतमा सन् २०२५ सम्ममा क्षयरोग पूर्णरुपमा निर्मूल गर्ने लक्ष्य लिइएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्