सरकार छ तर कहाँ छ ?

भदौ २७, २०७७ शनिबार ९:१९:४४ | दामोदर न्याैपाने

कविता

चुनावताका घरघर पुग्ने सरकारको अहिले नाक मुख देखिँदैन
आजित अनि निराश छन् नागरिक कसैको अनुहार हँसमुख देखिँदैन ।
चुनावी घोषणापत्रमा नेपाललाई स्विजरल्याण्ड बनाइने सपना देखाइयो
के ती सबै नारा चुनाव जितेर कुर्सीमा टाँसिएर बस्न मात्रै लेखाइयो ?

कोरोनाको महामारीमा काम गरेर खान्छु भन्दा पनि खान पाइँदैन
हामीले तिरेको कर यस्तो विपत्तिमा हामीलाई किन चाहिँदैन ?
मजदुर र विपन्नका आँखाबाट खसेका आँसु सरकार किन देख्दैन
नदेखेको झैँ गर्दैछ सरकार कि साँच्चै आँखा नै देख्दैन ?

कि काम देऊ कि खान देऊ भन्दा पनि सरकार हिरा मागे झैँ गर्छ
अनि सरकार भाषणै पिच्छे भन्छ, जनावर त भोकले मर्दैन मान्छे के मर्छ ।
सुरक्षाका मापदण्ड अपनाउँदै केही प्रावधानहरु हटाइदिए कति जाती हुन्थ्यो
हामी भोकै मर्ने अवस्थामा पुगेर हो नत्र रुन कसलाई मन थियो ।।

सरकार छ कि छैन भनेर थाहा पाउन चुनाव नै कुर्नुपर्ने किन ?
एकचोटि हैन दुईचोटि हैन सधै धुरुधुरु रुनुपर्ने नै किन ?
सपना नै देख्न नहुनेले ‘समृद्ध नेपाल सुखी नेपाली’ को सपना देखिएछ
यसपालि चाहिँ केही हुन्छ भन्दै नेताको पछिपछि व्यर्थै कुदिएछ ।।

गफ पेलेरै हुने भए हामी उहिल्यै जहाज र रेल चढिसक्थ्यौँ
भान्सासम्म आइपुगेको ग्यासको पाइपमा खाना बनाइ सक्थ्यौँ ।
साँच्चै निमुखा र वास्तविक पीडितको अनुहार कहिले हेरिन्छ
जुन जोगी आए पनि कानै चिरेका भन्ने उखान कहिले फेरिन्छ ?

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दामोदर न्याैपाने

उज्यालाेमा कार्यरत दामोदर न्याैपाने समसामयिक विषयमा कलम चलाउनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्