लमजुङ र मनाङ जोड्ने म्यार्दी खोलामा बन्यो ‘बेलिब्रिज’

साउन २४, २०७५ बिहीबार १६:१०:१९ | श्यामशितल परियार

लमजुङ– हिमाली जिल्ला मनाङ र लमजुङ जोड्ने म्यार्दी खोलामा ‘बेलिब्रिज’ बनेको छ ।

पुल बनेसँगै गएको आइतबारबाट पुलबाटै सवारी आउजाउ गरिरहेका छन् । ‘बेलिब्रिज’ निर्माणको जिम्मा ग्याल्बा द क्याराभान जेभीले लिएको हो । जेभीका सुपरभाइजर नारायण लामाका अनुसार २ करोड ५ लाख १७ हजारको लागतमा म्यार्दी खोलामा ‘बेलिब्रिज’ निर्माण गरिएको हो ।

‘बेलिब्रिज’को लम्बाई २४.३८४ मिटर रहेको छ । ‘डबल स्पान’को पुलको अहिलेको चौडाई भने ४ मिटर रहेको छ । लामाका अनुसार ग्याल्बा द क्याराभान जेभीले मनाङको पिसाङखोला, तिमाङखोला र हुम्डे–ङावल जोड्ने पुल निर्माणको पनि काम गरिरहेको छ ।

आवत–जावतमा सहज

म्यार्दी खोलामा पुल बनेसँगै सवारी आवतजावतका साथै पैदल यात्रुलाई समेत हिँड्डडुलका लागि सहज भएको लामाले जानकारी दिनुभयो । पुल नहुँदा जोखिमपूर्ण यात्रा गर्नुपर्नेमा अहिले पुल बनेसँगै आवतावतमा निकै सजिलो भएको स्थानीय सञ्चारकर्मी नेगम परियारले बताउनुभयो ।

पुल बनेपछि यात्रा सुरक्षित भएको केही दिनअघि मात्रै मनाङ पुगी आएका लमजुङका रामकृष्ण सुनारले बताउनुभयो । ‘पुल नबन्दा जोखिम मोलेरै गाडी खोलामा हाल्दा गाडी बगाउने, मान्छेको ज्यानै जाने, सवारी साधन बिग्रने समस्या हुन्थ्यो । अहिले पुल बनेपछि जोखिम कम भएको छ । यात्रा सुरक्षित भएको छ,’ मोटरसाइकलमै मनाङ पुगी फर्केका रामकृष्णले भन्नुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्