आईपीएल : कोलकत्तालाई हराउँदै दिल्ली क्यापिटल्स शीर्ष स्थानमा

असोज १८, २०७७ आइतबार ६:५२:२२ | उज्यालो सहकर्मी

काठमाण्डौ - इन्डियन प्रिमियर लिग (आईपीएल) क्रिकेटमा दिल्ली क्यापिटल्स शीर्ष स्थानमा फर्किएको छ ।

राति भएको खेलमा कोलकत्ता नाइट राइडर्सलाई १८ रनले हराउँदै दिल्ली शीर्ष स्थानमा फर्किएको हो । दिल्लीले दिएको २ सय २९ रनको लक्ष्य पछ्याएको कोलकत्ताले २० ओभरमा ८ विकेट गुमाएर २ सय १० रन मात्र बनाउन सक्यो ।

यसअघि टस हारेर ब्याटिङ गरेको दिल्लीले निर्धारित २० ओभरमा ४ विकेट गुमाएर २ सय २८ रन बताएको थियो । जितसँगै ४ खेलबाट ६ अंक जोडेको दिल्ली अंक तालिकाको शीर्ष स्थानमा फकिएको हो ।

इङ्ग्लिस ब्याट्सम्यान इयोन मोर्गन र राहुल त्रिपाठीले सातौं विकेटका लागि ७८ रनको सानदार साझेदारी गरेका थिए । १८ औं ओभरमा मोर्गनले दक्षिण अफ्रिकी कागिसो रावाडाको बलमा लगातार ३ छक्का प्रहार गरेका थिए ।

मोर्गनले १८ बलमा ५ छक्का र १ चौकासहित ४४ र त्रिपाठीले १६ बलमा ३ छक्का र ३ चौकासहित ३६ रन बनाएर आउट भए । दुवैले पारीको अन्तिमसम्म ब्याटिङ गर्न पाएनन् । मोर्गनलाई १९ औं ओभरमा दक्षिण अफ्रिकी एरिन्च नोर्जे र त्रिपाठीलाई अन्तिम ओभरमा मार्कस स्टोनिसले आउट गरेका हुन् ।

तेस्रो नम्बरमा ब्याटिङ गरेका नितिश रानाले ३५ बलमा ४ छक्का र ४ चौकासहित ५८ रनको अर्धशतकीय पारी खेले । ओपनर शुभमन गिलले २८ रन जोडेका थिए । दिल्लीका लागि नोर्जेले ४ ओभरमा ३३ रन खर्चेर ३ विकेट लिए । हर्षल पटेलले २ तथा अमित मिश्रा र रावाडाले एक/एक विकेट झारे ।

यसअघि टस हारेर ब्याटिङ गरेको दिल्लीले निर्धारित २० ओभरमा ४ विकेट गुमाएर २ सय २८ रनको योगफल खडा गरेको थियो । दिल्लीका लागि ओपनर पृथ्वी श र कप्तान श्रीयाश आयरले अर्धशतक तथा ऋषभ पन्तको आक्रामक ब्याटिङ गरे ।

ओपनर पृथ्वी शले ४१ बलमा ६६ रनको पारी खेले । उनले शिखर धवनसँग मिलेर पहिलो विकेटका लागि ५६ रनको साझेदारी गरेपछि दिल्लीले लय समातेको थियो । धवन १६ बलमा २६ रन बनाएर धवन वरुण चक्रवर्तीको बलमा क्याचआउट भए ।

पृथ्वीले आफ्नो इनिङमा ४ चौका र ४ छक्का प्रहार गरे । तेस्रो नम्बरमा आएका कप्तान श्रीयाश आयरले ३८ बलमा ८८ रनको शानदार पारी खेले । उनले ७ चौका र ६ छक्का प्रहार गरे । उनले पृथ्वीसँग ६३ र ऋषभ पन्तसँग ६० रनको साझेदारी गरेपछि दिल्लीले दुई सयको आँकडा पार गरेको हो ।

१६ बल खेलेका ऋषभले ३८ रन प्रहार गर्ने क्रममा ५ चौका र १ छक्का प्रहार गरे । कोलकाताका आन्द्रे रशेलले २ विकेट लिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्