आईपीएल : राजस्थानले बैंग्लोरलाई दियो १ सय ७८ रनको लक्ष्य

 कात्तिक १, २०७७ शनिबार १८:४:१ | उज्यालो सहकर्मी
unn.prixa.net

इण्डियन प्रिमियर लिग आईपीएल क्रिकेटमा राजस्थान रोयल्सले रोयल च्यालेन्जर्स बैंग्लोरलाई १ सय ७८ रनको लक्ष्य दिएको छ ।

यूएईको दुबई क्रिकेट रंगशालामा टस जितेर पहिले ब्याटिङ गरेको राजस्थानले २० ओभरमा ६ विकेट गुमाएर १ सय ७७ रन बनायो । उसका लागि कप्तान स्टिभ स्मिथले सर्वाधिक ५७ रन बनाए । यस्तै रोविन उथापाले ४१, जोस बटलरले २४, राहुल तेवाटियाले १९, बेन स्टोक्सले १५ र सञ्जु सामसनले ९ रन बनाए ।

बैंग्लोरका क्रिस मोरिसले ४ र यजुवेन्द्र चहालले २ विकेट लिएका छन् । बैंग्लोर १० अंकसहित तेस्रो स्थानमा छ भने राजस्थान ६ अंकसहित सातौँ स्थानमा छ । आईपीएलमा आजै राति पौने ८ बजे दिल्ली क्यापिटल्स र चेन्नाई सुपर किंग्स सारजाँह क्रिकेट रंगशालामा प्रतिस्पर्धा गर्नेछन् । गए  राति भएको खेलमा कोलकाता नाइट राइडर्सलाई ८ विकेटले हराउँदै मुम्बई इण्डियन लिगको शीर्ष स्थानमा उक्लिएको छ ।

अन्तिम अपडेट: कात्तिक २, २०७७

तपाईको प्रतिक्रिया