कर्मचारीलाई दिने भनी सेवाग्राहीबाट ५ हजार रुपैयाँ लिने लेखापढी व्यवसायी पक्राउ

 कात्तिक ३, २०७७ सोमबार २०:१९:११ | अमर सुनार
unn.prixa.net

दैलेख – मालपोत कार्यालयका कर्मचारीलाई दिने भनी सेवाग्राहीबाट पाँच हजार रुपैयाँ लिएका एक लेखापढी व्यवसायीलाई अख्तियार दुरुपयोग अनुसन्धान आयोगको टोलीले सोमबार पक्राउ गरेको छ । 

मालपोत कार्यालय दैलेखका एक जना खरिदारलाई काम गराइदिन भनी लिएको रकमसहित लेखापढी व्यवसायी धनबहादुर बुढा पक्राउ परेका दैलेखका प्रमुख जिल्ला अधिकारी सन्तबहादुर सुनारले जानकारी दिनुभयो । 

आयोग सुर्खेतको स्ट्रिङ अप्रेशन टोलीले लेखापढी व्यवसायी र घुस लिन सल्लाह भएका भनिएका खनाल थरका ती कर्मचारी दुवैलाई नियन्त्रणमा लिएकोमा प्रारम्भिक परीक्षणमा लेखापढी व्यवसायीमात्र दोषी देखिएको कारण उनलाई मात्र पक्राउ गरेको बताइएको छ । 

अन्तिम अपडेट: कात्तिक ६, २०७७

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ । 

तपाईको प्रतिक्रिया