सुदूरपश्चिमका बासिन्दा ‘बिसु’ मनाउन घर फर्किँदै

चैत २६, २०८१ मंगलबार १०:२६:१७ | रासस

बैतडी – सुदूरपश्चिम प्रदेशको पहाडी जिल्लाको मुख्य नाका झुलाघाटमा हिजोआज चहलपहल बढेको छ । रोजगारीका लागि भारत गएका सुदूरपश्चिमेली नयाँ वर्ष नजिकिएसँगै घर फर्किन थालेपछि चहलपहल बढेको हो ।

सुदूरपश्चिममा नयाँ वर्षलाई ‘बिसु’ पर्र्वका रूपमा मनाइने भएकाले काम गर्न भारत गएकाहरू फर्किन थालेका छन् । झुलाघाट भएर बैतडी, बझाङ, बाजुरा, अछामलगायत जिल्लावासी बिसु मनाउन घर फर्कन थालेका छन् ।

दैनिक घर फर्किनेको सङ्ख्या बढ्दो क्रममा रहेको झुलाघाट बजारका व्यापारी हरिदत्त जोशीले बताउनुभयो । सुदूर पहाडका धेरै बासिन्दा मजदुरीका लागि भारतका विभिन्न शहरमा जाने गरेका छन् ।

उनीहरु बिसु पर्वमा भने घर फर्कने गरेका छन् । गहुँ छरेर मजदुरी गर्न भारत पस्नेहरु यतिबेला घर फर्किने गर्छन् । झुलाघाट र सदरमुकाम गोठलापानीबाट सञ्चालन हुने गाडीमा पनि यात्रुको चाप बढेको छ ।

नयाँ वर्ष घरपरिवारका सबै सदस्यहरू एकै ठाउँमा बसेर मनाउने चलन भएकाले घर बाहिर रहेकाहरू पनि घर फर्कने गरेको दोगडाकेदार–३ का गणेश विष्टले बताउनुभयो ।

बिसु पर्व विशेष गरी सुदूरपश्चिमका सात पहाडी जिल्लामा मनाइन्छ । एकापसमा सिस्नुपानी छ्यापेर यो पर्व मनाइन्छ । बिसुमा सिस्नो लगाउँदा वर्षभरि शरीरमा कुनै पनि रोग नलाग्ने जनविश्वास छ ।

शरीरमा सिस्नो लगाउँदा छालामा भएका खटिरा निको हुने र छालासम्बन्धी रोग निर्मूल हुने विश्वास गरिँदै आएको छ । बिसु पर्व अघि नै घर रातो माटो र कमेरो लिपपोत गर्ने गरिन्छ ।

अन्तिम अपडेट: बैशाख ३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुदूरपश्चिमका बासिन्दा ‘बिसु’ मनाउन घर फर्किँदै

फाइल तस्बिर

तपाईको प्रतिक्रिया