संखुवासभाको ताम्कु अस्पतालमा भिडियो एक्सरे सेवा सुरु, एमबीबीएस डाक्टरकाे दरबन्दी तर अनमीकाे भर

कात्तिक १७, २०७७ सोमबार १३:५९:१८ | नवीन गुरुङ

संखुवासभाको दुर्गम गाउँपालिका भनेर चिनिने सिलिचोङ गाउँपालिकाको ताम्कु अस्पतालमा भिडियो एक्सरे सेवा सुरु भएको छ ।

भौगोलिक रुपमा विकट र अहिले सम्म सदरमुकाम खाँदबारी देखि सिधा यातायातको सुविधाले नछोएको सिलिचोङ गाउँपालिकाको केन्द्र ताम्कुको अस्पतालमा भिडियो एक्सरे सेवा सुरु भएको हो । एकजना एमबीबीएस डाक्टरको दरबन्दी भएपनि अस्पताल अहेब र अनमीले सञ्चालन गर्नुपर्ने बाध्यता रहेको छ ।

पाँच वटा वडा रहेको सिलिङचोङका अहिलेसम्म १ सय भन्दा धेरै गर्भवती महिलाहरुको भिडियो एक्सरे सेवा लिएका छन् । गएको हप्ता देखि सुरु भएको एक्सरे सेवा ग्रामिण क्षेत्रमा अत्यन्तै प्रभावकारी भएको अस्पतालले जनाएको छ ।

वान हर्ट वर्ल्डाइड गैरसरकारी संस्थाले पाँच लाख रुपैयाँ बराबरको यूएसजी मेसिन र २१ दिने तालिम सहयोग गरेपछि ताम्कुको अस्पतालमा सेवा सुरु भएको हो । संस्थाको सहयोगमा झापाको आम्दा अस्पतालमा २१ दिने तालिम लिएर फर्किएकी अनमी इन्द्रकुमारी राईले गाउँमा नै भिडिओ एक्सरे सेवा प्रवाह गर्न थाल्नु भएको हो ।

अब दुई दिन सम्म पैदल यात्रा र धेरै खर्च गरेर सदरमुकाम खाँदबारी गएर भिडियो एक्सरे गरेर बच्चाको अवस्थाबारे जानकारी लिनु पर्ने बाध्यता समेत हटेको स्थानीयको भनाइ छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्