वेस्ट इण्डिजका मार्लाेन स्यामुअल्सले सबै खालका क्रिकेटबाट सन्न्यास लिए

कात्तिक १९, २०७७ बुधबार १८:२०:१६ | उज्यालो सहकर्मी

काठमाण्डाै – वेस्ट इण्डिज क्रिकेट टिमका ब्याट्सम्यान मार्लाेन स्यामुअल्सले सबै खालका क्रिकेटबाट सन्न्यास लिएका छन् ।

स्यामुअल्सले वेस्ट इण्डिजका लागि आफ्नो अन्तिम खेल सन् २०१८ मा बङ्ग्लादेशविरुद्ध खेलेका थिए । वेस्ट इण्डिजले दुई पटक टी–२० विश्व कपको उपाधि जितेको छ र स्यामुअल्सले दुवै फाइनल खेलमा सबैभन्दा धेरै रन बनाएका थिए ।

ईएसपीएन क्रिकइन्फोको रिपोर्टअनुसार मार्लाेन स्यामुअल्सले यस वर्षको जुन महिनामा नै सन्न्यासको बारेमा बताएका थिए ।

स्यामुअल्सले सन् २०१२ को टी–२० वर्ल्ड कप फाइनलमा विस्फोटका पारी खेलेका थिए । उनले ५६ बलमा तीन चौका र ६ छक्काको मद्दतमा ७८ रन बनाएका थिए । साथै उनले सन् २०१६ को टी–२० वर्ल्ड कप फाइनलमा पनि ६६ बलमा ८५ रन बनाएका थिए ।

उनले सबै फर्म्याटमा आफ्नो करिअरमा ११ हजार एक सय ३४ रन बनाउँदा १७ शतक पनि जोडेका छन् । साथै उनले एक सय ५२ विकेट पनि लिएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्