काेराेना खाेपबारे अनुसन्धान गरिरहेका कम्पनीलाई रुस र उत्तर काेरियाका ह्याकरले निसाना बनाएकाे आराेप

 कात्तिक ३०, २०७७ आइतबार २०:३:२२ | एजेन्सी
unn.prixa.net

प्रतिकात्मक तस्बिर

काठमाण्डाै – प्रविधि कम्पनी माइक्रोसफ्टले कोरोना भाइरसको खोपबारे अनुसन्धान गरिरहेका कम्पनीहरूलाई रुस र उत्तर कोरियाका सरकार समर्थित ह्याकरहरूले निसानामा पारेकाे आरोप लगाएको छ ।   

फ्यान्सी बियर नामको रुसी समूह तथा जिन्क र सेरियम नामका उत्तर कोरियाली समूहहरूले काेराेना खोप उत्पादन गरिरहेका कम्पनीहरूमाथि साइबर आक्रमण गरिरहेकाे माइक्रोसफ्टले बताएको बीबीसीले जनाएको छ ।

यसअघि बेलायतको राष्ट्रिय साइबर सुरक्षाका केन्द्रले पनि रुसी ह्याकरहरूले कोरोना भाइरसको खोप अनुसन्धानमा संलग्न संस्थाहरूलाई निसाना बनाइरहेको दाबी गरेको थियो ।

क्यानडा, फ्रान्स, भारत, दक्षिण कोरिया र अमेरिकामा रहेका औषधि उत्पादक कम्पनीको कम्प्युटर प्रणालीमाथि आक्रमणका प्रयासहरू भइरहेकाे माइक्रोसफ्टका अध्यक्ष ब्राड स्मिथले बताउनुभएको खबरमा उल्लेख छ ।

कम्पनीले शुक्रबार एक ब्लक पाेस्टमा पछिल्ला महिनामा भएका धेरै जसाे साइबर आक्रमण विफल रहेकाे जनाएकाे छ । 

माइक्रोसफ्टले विश्व नेताहरूलाई आग्रह गर्दै स्वास्थ्य सेवाका पूर्वाधारमा अन्तर्राष्ट्रिय कानुनको सुनिश्चितता गर्न र त्यसको कार्यान्वयनका लागि एउटा गतिलो कदम चाल्न आग्रह गरेको छ ।  

अन्तिम अपडेट: मंसिर २, २०७७

तपाईको प्रतिक्रिया